مصر جزائر ايه ده
ايه اللي حصل
محدش عارف
ولا حد فاهم
لا طبعا كلنا فاهمين
بس ساكتين
مفيش في ايدنا حاجة
كرامتنا...
هي فين
فاكرين شبابنا لما ضاعت كرامتهم بهروبهم من البلد علي مراكب لايطاليا ويغرقوا ولا يهمهم
المهم انهم يهربو من مصر واللي حاسينه فيها
طب فاكرين شبابنا اللي حتي سافروا بعقود حقيقية لبلاد الخليج وغيرها ويرجع كل واحد منهم نازع جلده ومغير هويته وناسي هو اصله ايه وبس الفلوس والهدايا اللي راجع بيها يفتكر انه بكدة يقدر يدوس علي اهله
طب فاكرين المصريين اللي في الخارج بتقال عليهم ايه
طب بلاش ده كله
انتو ناسيين احنا بنعامل بعض ازاي في الخارج
المصرين في الخارج بياكلو بعض، بطلو يحبو بعض، الكراهية سادت بينهم لدرجة انهم بيطبقوا مبدأ عض قلبي ولا تعض رغيفي وللاسف الكلام ده بين المصريين وبعضهم
نسيوا المثل اللي بيقول انا واخويا علي ابن عمي
يبقي مين ضيع كرامتنا غيرنا
*************************
جيش الجزائر اللي نزل يحارب مصر زي ما يكون احنا صهاينة ( علي حد قولهم ) بسم الله ماشاء الله
مادام عندهم جيش قوي كدة وعندهم الكراهية دي للصهاينة وحتي مجرميهم اصبحوا ابطال
وقدروا يجتازوا حدود الدول المجاورة لحد ما وصلوا للسودان علشان مجرد ماتش بالطيران الحربي
طب ما يلا علي اسرائيل وانزلو فيها واغسلوا الاقصي الاسير وطهروا القدس العتيقة اعتقد لو عملتوا كدة العرب كلهم هايجتمعوا معاكم وتكون دي الوحدة
**********************
سامحوني برغم كل ده بس حاسة كاننا بنمر بنفس ازمة حرب النكسة وتباعتها يعني بمعني اصح ماحربناش
انا ماليش في الكورة ولا بحبها واللي يعرفني يعرف ان عندي عقدة من الكورة والماتشات بس كنت بتابع اللي حصل وبقول اللي في قلبي ورزقي علي الله
ليست هناك تعليقات:
إرسال تعليق