الأربعاء، 26 سبتمبر 2012

هدف تنموي



يعني اي هدف تنموي
- يعني بدل مانعمل تبرع بالصفايح
نوفر اجهرة حديثة لفصل مركبات الدم واستخلاص الصفايح والبلازما بشكل افضل

- يعني بدل ما اوزع بطاطين خفيفة علي قري الصعيد اوفر لهم ماكينات غرل واعلمهم يصنعوا افضل اصواف من الخرفان بتاعتهم

- يعني بدل ما اركب سقف خشب ف بيوت من طين اعيد بناء بيت بالطوب كل شهر واللا حتي سنة واعمل سقف خرساني علشان 

يقدر صاحبه يحس بالامان فترة اطول وانا مرجعش اعمل السقف 
الخشب بعد سنة واللا اثنين 



- يعني بدل اوزع شنط شهرية اعمل محل واخفض سعر المنجات للنصف وابقي علمت شخص التجارة وكفيت بيوت كتير عن 



السؤال والحاجة لان الفلوس مش مكفية

- يعني بدل ما اصحاب المصانع مخصصين جزء من ارباحهم لصالح الفقراء والغلابة زي اللي بيمن عليهم بالحسنة -- يخفضوا 



من اسعار المنتجات بدون التخفيض ف الجودة وبكدة يبقي ساعدو كتير

- يعني بدل ما اروح استورد منتجات صيني وتركي وهندي وغيره اعمل مسابقة بين الصناع ف افضل جودة والشعب كله هو اللي 



يقول رايه ف المنتجات من غير ما اصعبها علي المصري واسهلها علي الصيني

- يعني بدل ما ازرع ف الشوارع شجر الجهنمية اللي معرفش ماشي ازاي ازرعها زيتون وليمون وصفصاف واشجار مثمرة علي 



الاقل لو مكنتش ثمارها مفيدة يبقي شكلها كويس وعمرها طويل

ياااااااااااااااااه

دا التنمية معناها كبييييييييير

الخميس، 13 سبتمبر 2012

بصوت عالي

ايه الهنا اللي انا فيه دا
عشان اعمل تطوير وتنمية لبلدي
اجيب تمويل من بره ؟
ايه اللي ان فيه دا
ياربي ارحمني
نفسي اعمل تطوير للقري الفقيرة
لقيت نفس الفكرة ف بوست علي جروب
لما دخلت اشوف التفاصيل
لقيتهم جايبين منحة من المانيا
ولما كنت بتكلم قبل كدة مع صديق عن مشروع اطفال الشوارع بتاعي
قالي اليونسيف هي اللي ممكن تساعدك
انا عايزة بلدنا هي اللي تخدم نفسها
نفسي نقفل الباب
ونجبر الشبال علي الشغل جوه البلد مش خارجها
محدش يخرج قبل مانعمرها
محدش يتخرج من كليته قبل مايقضي سنة ف الصحرا
محدش يخرج من مصر قبل مايدفع سنة واثني من عمره اجباري
والي يخرج قبل مايدفع
يتفضل يدفع فلوس
بس يدفع اللي اتصرف عليه
مش بيقولو ان الدعم علي المواطن العادي ف الدراسة من اول يوم اولي ابتداي
لحد التخرج
مليون جنيه ؟
خلاص
يدفع مليون جنيه
وبعدين يخرج يشتغل ويكون نفسه بره
مش عايزين يحسو بيها
لا الكبير عايز يحس بيها
ولا الصغير عايز يفهمها
كله مش فاهم
لا الام بقت زي زمان
بتربي ابنها علي الجهاد
ولا الابن كمان
كله بيبخل
لو الولد قال لامه انا عايز اروح اعيش ف المدينة الجديدة تقوله لا
غربة لا
ويفضل يضيق عليه الخناق
لا عارف يشتغل
ولا عارف يعيش
وتخنق علي نفسها علشان توفر له فلوس ينزل يقعد علي القهوة
وتشجعه علي الفراغ
لحد مايبقي قدمه حل من اثنين
يا يعمل الغلط ( زنا - تجارة مخدرات - سرقة ------)
يا يسيب البلد ويهاجر طفشان من كل شي حلو ووحش
طفشان من الحرمان والوجع
طفشان من قلة

Free Blog Content

الاثنين، 10 سبتمبر 2012

يومية

مساء الخير
النهاردة كان يوم مش طويل بس سخيف قوي
الغرض الاساسي من اليوم اني اروح اقعد مع الدكتورة اماني واستفيد من خبرتها في الاستشارات النفسية والاسرية
والعلاقات بين الافراد في الاسرة الواحدة
واخدت بالمرة شنطة مليانة منتجات تسويقية انا بحب اسوق لها
الشنطة كانت في مقر الجمعية في العاشر
ويااااااااه علي العذاب الحمد لله
المسافة من العاشر من رمضان للقاهرة حوالي اربعين دقيقة
بس علي بختي اللي اتعودت عليه اخدت 3 ساعات
خرجت من العاشر الساعة 12 الا خمسة
وصلت حدائق القبة مع اذان العصر يعني الساعة 3و28 دقيقة تقريبا
المواقف اللي حصلت في الطريق كانت غريبة وفي نفس الوقت انا تعودت علي انها تبقي غريبة
ماهي حياتي كدة ماشية بالعكس
الطريق كان واقف جدا من اول مدينة العبور
حتي سيارات الاسعاف اللي ظهرت بكثرة ملاحظة
مكنتش قادرة توصل او تخرج من الزحمة
والغريب اننا لما وصلنا الموقف لم نلاحظ اي ملامح لوجود حادث او دماء علي الطريق او اي شي يعطل الطريق
فقط سيارة من شدة الزحام حاولت الافلات امامنا فاصطدمت بجانب الطريق
وهذا بعد ماوصلنا فعلا لمدخل الموقف
لكن لما وصلت الجمعية سالت الدكتور هناء عن الحادث
ذكرت انه حادث كبير علي الطريق الدائري
(طب ايه الي يجيب بقي الطريق الدائري يعطل السير بالقوة دي في موقف السلام )
حاجة تجنن
الاهم بقي اني اول مرة متكسفش اني اشتري من الباعة الجائلين في المترو
اشتريت لعبة صغننة قد عقلة الصباع علشان العب بيها مع يوسف ورفيف ولاد اختي
واخيرا رجعت بيتنا
بس الغرض الاساسي من اليوم متمش
لان الدكتورة جالها تليفون مفاجئ وقالت هاترجع تاني بس اتاخرت عليا
وكان لازم ارجع البيت
يللا بقي كل شي باوانه
:)
تصبحو علي خير


Free Blog Content