حلم واللا هدف

مش عارفة ابدا منين واللا اقول ايه
دايما بيكون البداية عندي صعبة
بس الحكاية هي الحكاية
حكايتي مع الزمان
حسبي الله ونعم الوكيل
لعب بالعقول
حلم حياتي اني احصل علي الدكتوراة
وسعيت ليها كتير
لو كنت اعرف من البداية ان المجموع تراكمي كنت ذاكرت من اول يوم بطريقة الحفظ اللي تدخلك الامتحان تجيب تقدير
لكن انا كنت بذاكر عشان افهم واعرف واقدر اتعامل مع البشر
للاسف جبت المقبول الجميل برغم اجتهادي في السنة الاخيرة وهي تشهد بتقديرات الجيد جدا وامتياز
عشان كدة لما حد يقابلني ويكون لسه في اول الطريق بقوله ابدا بكتابة اهدافك من دلوقتي ماتقولش لما اتخرج
اكتب من دلوقتي انت عايز تكون ايه عايز توصل لايه
سامحوني كتبت حلمي متاخر قوي
كتبت اهدافي متاخر قوي
حاربت عشان احقق الاحلام
ولازلت
قولت لنفسي لسه الوقت معايا وهابدا من جديد
ايه يعني يضيع سنتين عشان اجيب تقدير
احسن ما يضيع عمري كله في الندم علي اني معرفتش اوصل لحلمي
اتاري الحكاية
حكايتي مع الزمان
اساتذة من الكلية صعب عليهم حالي
شافو اني بتعب كتير قوي وبجيب ابحاث ومراجع اجنبية حقيقية
قالو كتير قوي ده
ده انتي كدة مش عايزة مجرد تقدير
ده انتي عايزة تدوسي علينا
يلا مقبول
وضاعو السنتين والحمد لله
وتيجي الطعنة الكبري
حاجة اسمها رضا الام
اختار
حلمك واللا رضا امك
طيب
حطيت ايدي علي خدي وقعدت استني الفرج
لقيت الفرج جاي من حيث لا ادري
" الو ، نبيلة ، احنا اشترينا المظروف للتقديم في الدبلومة الجديدة وعملنا حسابك، المظروف بتاعك في شئون الطلبة روحي كملي بياناتك ،،
ايه ده
حلم
تهيؤات
لالالالالالالالالا
ده اتصال من زميل ليا في الدبلومة اللي فاتت بس غاوي يحط دبلومات علي بعضها
اهه بقي ربنا بيسبب الاسباب
جت لوحدها من عند ربنا يعني
ورحت وجبت الورق وسجلت ورجعت للحرب تاني
الحرب مع الزماااااااااااااااااااااااان
واديني عايشة تاني
فاضل كام يوم علي الامتحان
خايفة قوي
مرعوبة
ومن كتر الرعب
تفكيري مشتت
مش مستوعبة اي كلمة بقراها
ياااااااااااااااااه لو جبت مقبول تاني
يبقي المووووووووووت ارحم
وياااااااااااااه لو جبت جيد جدا
هاتعلم الزغاريد
ههههههههه
كل اللي اقدر اقوله
اللهم يا هادي اهدني فانك اعلم بي مني
يا عالم بما في قلوب العالمين
بالصلاة علي محمد وعلي اله الطيبين الطاهرين
تكتب لي نجاحا وتوفيقا وثباتا ويقين
وترزقني الرزق الحلال الواسع الوفير
وكل بنات وشباب المسلمين