يعني ايه صديق
الاقيك وقت احتياجي اليك
تفهمني وقت الناس كلها مش فاهمة
احساس من قريب
نظرة عين تلقيها عليا من بعيد تعرف انا سعيد واللا حزين
*******
يعني ايه صديق
تتحملني وقت عصبيتي وضيقي
تفرح لفرحي
تحزن لحزني
تشاركني
الصديق شريك
ممكن تكون اب او اخ او زوج او حتي زميل
ممكن تكوني امي او اختي او حد من بعيد
المهم انك صديق
********
يعني ايه صديق
مش مهم انت مين
ومش مهم شكلك ايه
المهم روحك لونها ايه
بيضا صافية بصفاء النور
واللا حجارة صلبة وارض بور
المهم قلبك ايه
حجر صوان وجبل صخور
واللا لبن صافي وعسل بحور
صديق
انت بس صديق
ياااااااااااااه
حتي الرسول الكريم عليه افضل الصلاة واتم التسليم كان له صديق حميم
ومن كتر الصداقة كانت اسمه الصديق
********
هو انا بحكي عنك واللا عن نفسي
مش مهم تكون زيي شبهي علي شكلي
المهم تكون مقدر احساسي
المهم تكون قريب من قلبي
لا
انا اللي قريبة من قلبك
انت بالنسبة لي صديق
انا بقي بالنسبة ليك ايه
حد لما بتحتاجة تلاقيه
طيب وانا
ولما احتاج لك
اعمل ايه
*******
هالقاك امامي بتحط ايدك علي كتفي وقلبك علي قلبي وتقولي مالك
بتاخد بايدي وتقولي قومي صلي ركعتين يخففو همك ويهونو عليكي اللي انتي فيه
واللا تقول انا مليان هموم وانا مالي
******
انا وانت يا صديق انسان
فاهم يعني ايه انسان
لينا كيان
بنحس وننسي ونفتكر احزان
انا وانت يا صديق انسان
كيان من الافراح والاحزان
لو مكنتش شريك لي في افراحي واحزاني وانا كمان
متكنش انت الصديق
متبقاش انت الصديق
******
تحياتي
هناك 4 تعليقات:
أ. سما
كلمات رائعة باسلوب شيق و جذاب
أحمد الله عزوجل ان وفقني الي الاهتداء الي جوهرتك (مدونتك )
ربنا يحميك يارب ويبارك فيك
اشكرك جزيلا علي التعليق الرقيق جدا
ويارب اكون دايما عند حسن ظنكم
اه وكل سنة وانت طيب وعقبال ال120 سنة سعادة ورضا من ربنا
ولو انها متاخرة شوية
برافو برافو برافو
حلوة اووووي يا سما
كلام زي الفل وفي الجووووون
miro el niro kwaniro
ميرو النيرو كمانيرو
ربنا يحميك ويبارك فيك
اشكرك علي المرور الطيب
إرسال تعليق