مملكة الزمن

مملكة الزمن
امل وحياة وحزن واسي
ناس تشتغل وتشقي وماتلاقي رد ولا ناتج
وناس نايمة في العسل وتحصد بلا حساب
ناس ماتلحقش تفرح وتلاقي الهم ماليها
وناس ربك لما يريد يفرح قلبها ويحييها
مملكة الزمن
صبيان وبنات بيلعبوا في الحارة
واولاد الزوات بيتمختروا في قصورهم
باشاوات واولاد باشاوات
يا حلاوة يا ولاد
ممكلة الزمن فيها العجب
اهات واهات
وضحك واغنيات
يادي العجب
مملكة الزمن واسعة وكبيرة
وتشيل من الحبايب الاف وملايين
بس الحبايب غايبين
احنا فين وهما فين
يا اهل الدار تعالوا
اشتاقت ليكم الدار
وشجر الليمون والازهار
تعالوا
ارجعوا تاني لمملكتنا
مملكة الزمن
يا زمن
رد علينا اهلنا
رد الضحكة اللي كانت تملا حينا
يا زمن
ماتوجعش قلبنا
ده احنا الجراح تعبت مننا
وبغياب الحبايب اهلنا
تعب مننا قلبنا
رجعهم تاني لنا
مملكة الزمن