الفضفضة لغير الله

احيانا الواحد بيحس انه عايز يتكلم ويطلع اللي جواه 

ومن كتر ضغوط المجتمع بقي الاحتياج لتفريغ الكلام كتيييييييير قوي 

فضفضة 

كلمة معناها انك تقول كل اللي جواك مهما كان التعبير

انفعال وحكايات وتخاريف ف الكلام احيانا 

بس الاهم انك تلاقي الصدر اللي يتسع لكل دا 

واللي في نفس الوقت يكون صندوق مقفول مايطلعش اللي جواه لاول واحد يقابله 

انما انك تحس براحة مع حد وتطلع كل اللي جواك وتفرغ شحنتك كلها علشان ترتاح او حتي تكون بتفكر قدامه بصوت عالي 

وانت واثق انك كأنك بتحكي مع نفسك وتتفاجئ بأن كل اللي قولته لنفسك طلع بره 

ومش بس كدة دا اتعمل عليه حوارات وحكايات وقصص انت اصلا لا سمعت عنها ولا حصلت منك ولا حتي حصلت قدامك 

ومش قادر تصدق ان الملاك اللي كان قدامك وانت بتحكي هو نفسه الشيطان اللي كان بيسرد قصص عن لسانك سيناريو وحوار من تاليفه واخراجه والحبكة الدرامية لو مكنتش انت صاحب الموضوع كنت صدقته 

سبحان الله 

الله الله الله 

هو دا بس سبحانه اللي ممكن تحكي له وتفضفض ويكتم سرك ولا يفشيه ومش بس كدة دا يطبطب عليك ويهون ويبعت لك الملايكة يمسحو دموعك ويعوضوك عن الالم ويبدل حزنك وهمك فرج 

قول يا الله وبين ايديه هو بس تحكي بكل لغات العالم هو عالم ومطلع 

وهو اللي عالم بالخبايا والاسرار اللي عندك وعند غيرك 

عملية جراحية - حكاية جاون 3

لما تشوف العنوان اول خاطر ف بالك هي ايه الحكاية كل شوية عمليات  نبيلة فيه ايه فيكي سليم  اقولك هات لي انسان سليم :) فاكرين لما دخلت المستشفي عشان الحاجز الانفي #حكاية_جاون طلعت من الموضوع دا بفايدة وهي اني وصلت للدكتور ياسر فؤاد اللي تفضل مشكورا وكان وقتها نائب ف قسم جراحة الانف والاذن وعمل لي العملية وبعدها كلمته في مساعدة الاطفال المرضي اللي بترعاهم جمعية رسالة لما كنت متطوعة وموظفة فيها وقتها  والراجل تفضل مشكورا ورحب جدا حتي اني بعد اسبوع اتصلت عليه وبلغته ان عندي حالة طفل صغير محتاج عملية ومعملش اي اجراءات بمجرد الطفل لما راح له بصحبة والدته الدكتور ياسر ربنا يكرمه حول الولد لعمليات ف نفس الاسبوع وسهل له الاجراءات المعقدة اللي تعبت انا فيها ومن غير ماياخد ولا مليم ومش بس كدة دا كمان دفع عنه تمن تذكرة المتابعة والمبالغ الصغيرة اللي بتندفع ف كل اجراءات الدخول لمستشفي الجامعي بالزقازيق  وبعد كدة رحت له ( يمكن بعد سنة تقريبا) فكرته بنفسي وطلبت منه يساعدني في العملية التانية ( استئصال اللوزتين ) اللي كان مفروض تتعمل في المرة الاولي  المهم انه عمل لي فحص سريع وحدد لي اجراءات عمل العملية  بس طبعا مش زي الحالات الاستثنائية اللي تبع الجمعيات الخيرية  انا مشيت ف الاجراءات عادي جدا كاني رحت لدكتور في عيادة خاصة وكتب لي تحويل علي الجامعة ورحت العيادة الخارجية بتذكرة ب4ج (اصلها غليت زي اي حاجة بتغلي) وطلعت انتظرت موعد وتحاليل جديدة وتاجيل مرة ودخول العمليات مرة  المرة دي مخدتش وقت طويل ف التاجيل انا دخلت العمليات بعد اسبوعين وفضلت منتظرة في غرفة الانتظار عشان لو العملية اتاجلت يبقي خلاص متعبتش اعصابي ( منا اتعلمت الدرس) وبعدها فعلا جالي التاجيل  بس المرة دي كان الموضوع اخف حدة من المرة اللي قبلها والدكاترة متعبوناش ونزلونا لغرفة العمليات ورجعو اجلو  لا هو الموضوع من العيادة الخارجية باعتذار رقيق من الدكاترة انهم مش هايقدرو ياخدو حالات كتير الاسبوع دا ف يتم تأجيل الحالات للاسبوع التالي والحمد لله  بس للاسف التاجيل جه علي دماغي لانه كان مصادف يوم 5 رمضان  الصعوبة كانت الاولي ان والدتي قالتلي لازم اروح اليوم دا واطلب التأجيل عشان اعرف اقضي رمضان كله صيام من غير مشاكل  لما رحت مقدرتش اتكلم  مع الدكاترة اللي موجودين وطبعا دكتور ياسر محضرش في اليوم دا عشان يتوسط في التأجيل  الظروف كلها كانت مرتبة للموعد دا ( محدش يقدر يمنع القدر ) اه والله دا قدر ومكتوب باوان الصعوبة التانية بقي يوم العملية اللي مفروض اروح الصبح الساعة 8 صايمة طبعا بس الصيام من الساعة 12 نص الليل عشان المعدة  تبقي فاضية ويسلمونا الجاون اللي هاندخل بيه العمليات  الجاون ريحته جاز وقرف - شي مقزز  المرة دي العامل اللي بيوزع علينا الجاونات مكنتش واحدة ست ولا ممرضة زي المرة اللي قبلها  دا كان راجل من عمال النضافة في القسم ودا شي كنت مستغرباله جدا  اني في قسم كل الحالات اللي فيه نساء  استلمت الجاون وقولتله هالبسه جوه في غرفة الانتظار   فوجده يخلع عنه ثوب الوقار وعلامة الصلاة اللي كادت تاكل نصف جبهته ويقول ليه اخلعي ثيابك كلها قبل ماتلبسي الجاون  قولتله بحدة وجرأة  انت ملكش انك تتكلم كدة  قالي وكانه لم يلتفت لكلامي طيب لو مكسوفة ادخلي الغرفة دي واشار علي الغرفة التي يتم منها توزيع الجاون ومال براسه عليا وقال ( ادخلي والبسي براحتك بس خلي بالك لما تطلعي هاحسس عليكي عشان اعرف انك مش لابسة الملابس الداخلية )  الكلمة كانت كالصاعقة وسبحان من خلاني مسكت نفسي عن الرد  رميت الجاون علي الارض وقولتله تغور العملية عليك وعلي اللي جابوك علي المستشفي ووووو  ثم تركته وخرجت من المستشفي  طبعا رحت لوالدتي اللي زعلت جدا من الكلام اللي حصل بس بهدوء خرجت من غرفتها وطلعت علي المخزن الخاص بالقسم عندها وعادت مرة ثانية وهي تحمل اثنين جاون جديد لم يلمسهم قبلي احد غير الترزي اللي قام بتصنيعهم  خلعت البلوزة الخارجية ولبست الجاون الجديد ( الاثنين خلف خلاف طبعا ) زي اللي مفروض اكونه وطلعت علي مبني الجراحة  شاهدني هذا الشخص ونادي عليا فلم ابالي به  سمعت تعليق ظريف من بعض المرضي  شكلك عامل زي الاميرات بالجاون دا ) اصله كان فعلا شكله حلو قوي)  دخلت العمليات وقعدت انتظر ف الصالة اللي تدخلك علي الغرف المعقمة  انتظار مش طويل بس عرفت مين الطبيب اللي هايقوم بالعملية بتاعتي  ( الله اكبر)  اصغر دكتور واول مرة يعمل استئصال للوزتين وكان مضطرب جدا لدرجة اني كنت عايزة اقوله متقلقش هدي نفسك انا مش هاضربك :) تالت حالة نادو علي اسمها ( نبيلة) يعني انا رقم 3  علي بركة الله  دخلت نفس الغرفة بتاعة عملية الحاجز الانفي وكان دكتور ياسر قدامي بس مشغول بتشخيص لحالة تانية معرفتش اكلمه   حقنة البنج مع اية الكرسي والمعوذتين وكام دعاء بالخير  وفقت لقيت نفسي علي الترولي اللي بينقلوني بيه لغرفة الانتظار الاولي في الدور الخامس  شالوني ونزلوني علي السرير ووالدتي بجواري تتمتم بالادعية التي تحفظها وايات القران الكريم  والجاون الجديد بات غارقا بالدم  فقد نزفت كثيرا نظرا لان عمليات استئصال اللوزتين تكون اخطر كلما كبر السن  مابالك باني فوق الثلاثين  استوعبت الوضع وبدات في خلع الجاون محافظة علي ملابسي الاخري  فلم اخلع شي :) فقط راعيت وانا ذاهبة للمستشفي الا ارتدي اي شي يخنق الرقبة او الصدر  او يحمل معدنا يعيق اجهزة قياس القلب والتنفس الصناعي  بدات استوعب اكثر فأكثر وطبعا عملتي هي ضمن عمليات اليوم الواحد  كان لابد من الخروج  ---- نزلنا من المستشفي بدون مصعد  فهو دائما مايتحججون انه معطل  سلما ف سلما  درجة فدرجة  الحمد لله وصلنا الشارع  في المرة السابقة لم نجد تاكسي يوصلنا وعبرنا الطريق للاتجاه المقابل من الكوبري وانقذنا سائق طيب  هذه المرة اخذت اتوبيس النقل الداخلي  متستغربوش ماهو احنا كنا في رمضان ووقت ذروة خروج موظفين  الساعة 3 والناس بتبدا تحشد نفسها للعودة لبيوتها وكثافة مرورية عالية ومفيش حد هايرضي يروح البيت اللي ف اخر الدنيا  الحمد لله اني لقيت اصلا وسيلة مواصلات  طول الطريق مش قادرة افتح فمي وطبعا المناديل الورقية لمسح الدماء حتي لا يلاحظ احد شئ  اقتربت محطة الوصول ووالدتي تحدثني اننا في رمضان وفي وقت شتاء وبالتالي سيكون من الصعب ايجاد المثلجات  ايس كريم  حين وصلنا للشارع الضيق تحدثت اليها ان تذهب هي للبحث عن الايس كريم في المحلات القريبة والمحيطة بنا  وانا اعود علي مهلي للبيت جسدي يترنح لكني دائم عنيدة ومتعافية  بالفعل بدات اسند علي نفسي واخطو خطوات بطيئة حتي وصلت الي المنزل  لم يكن هناك مارة بالشارع غير حنان بنت الجيران التي اوقفتني ولما رددت عليها التحية لاحظت تناثر الدماء من فمي  فعرضت ان تسندني الي المنزل وابيت تماما  ووصلت  الحمد لله  وجدت والدي ينتظرنا علي الباب  سالني اين والدتي ولم يشعر باني فعلا قد عملت العملية  اجبته انها ذهبت تبحث عن ايس كريم وكنت انطق بصعوبة  ودخلت البيت وارتميت علي الارض  ولم اشعر الا ودخلت والدتي بالايس كريم  اسبوع متواصل من الفطار والغذاء والعشاء  ايس كريم وجيلي  هههههههههه  صعبان عليا الصيام اللي راح  بس الحمد لله العملية نجحت وانا الان احسن كثثثثثثثير عن قبل 

ثرثرة

بدات استعيد الذكريات وارغي مع نفسي شوية 

كلمة واحدة ترجع لي ذكري وافضل اعيد السلسلة الزمنية لها 

وكل مرة افتكر حاجة بمجرد كلمة تتقال 

كلمة بترجع الذكريات 

وياااااه ذكرياتي مش فاكرة فيها حاجة حلوة 

كلها مؤلمة ( بسياسة التعميم اللي ماشية ف البلد ) 

اصلي فعلا مش فاكرة حاجات حلوة كتير 

يمكن بس يتعدو علي الصوابع 

افتكرت الحنية الزايدة اللي بتتلخص ف كلمة معلش ( بعد كل موقف قاسي من حد المفروض انك عزيز عليه ) 

افتكرت  عبارة انا بقسي عليكي عشان تشدي حيلك وتتشجعي وتعملي الاحسن 

افتكرت لما جبت ف الاعدادية ف مادة الرياضيات 57 من 60 وبدل ما اتكافئ علي التفوق اتسالت هي ال3 درجات دول ليه راحو 

افتكرت لما قولت اني ليا حق اني ارفض او اقبل اي عريس يتقدملي وكان الرد انتي ايه اصلا 

افتكرت لما كنت بحاول امسك نجمة ف السما وكانت خلاص ف قبضة ايدي وانضربت علي ايدي ضربة تخليني اعجز اني امسك حتي ايدي علي الفاضي 

مجرد ثرثرة مع نفسي والذكريات كتير 

حوار هادئ

• دا كان حوار بيني وبين صديق عزيز علي الفيس بوك 

  هو محامي علشان كدة لقيت نفسي بتكلم بلغة المحامين والقضايا 

  رغم اني مبفهمش فيها 

  بس عبرت له عن الحالة اللي وصلت لها وتصوري للتلاكيك اللي حاصلة ليا كشخص 

  وللبلد كعالم كامل من الاشخاص المضروبين علي دماغهم  

  انت عارف يعني ايه كل ماتمسك قضية علشان تجيب البراءة وانت واثق منها

  وسهلة

  مفيهاش تعقيد

  تلاقي الف واحد يطلع يقولك اعدام

  ياعمي ازاي

  برده اعدام

  وتلاقي القاضي يعدي عليك ويقولك انت ريحتك وحشة والمتهم اللي بتترافع علشانه اعدام علشان كدة
• 
  

  11:43pm

  A

  ههههههههههههههه
• 

  11:45pm

  Nabila Mohammed

  ههههههههههههههههههههههههههههههههههههه

  هو دا حالي

  وغصب عني اسكت

  واقول انا الغلطان

  مستحمتش قبل ما اطلع علي المحكمة

  ويتنفذ حكم الاعدام

  واقعد ف غرفتي

  وانتظر لحد مايجيلي قضية اخري

  وبعد وقت بتيجي
• A

  11:46pm

  
  

  اها
• 

  11:46pm

  Nabila Mohammed

  وبرده رغم كل المستندات والادلة والبراهين والقوانين والعقل والقانون وروح القانون

  المتهم ياخد اعدام

  المرة دي اخدت بالي واستحميت

  وحطيت برفان

  قبل ما ادخل المحكمة

  وحطيت الروب

  رغم اني لابسة بدلة

  طب ليه

  هو كدة يا محامي يا محترم
• 
  

  11:47pm

  A

  الجنيات كدة
• 

  11:47pm

  Nabila Mohammed

  مش عاجبني شكلك

  تعمل استكشال

  ومعرفش ايه

  علشان يتغير القاضي

  وتروح لقاضي تاني

  يقولك بص الاولاني كان عنده حق شكلك مش عاجبني
• A

  11:48pm

  
  

  طلب رد المحكمة يعنى
• 

  11:48pm

  Nabila Mohammed

  طب المتهم ذنبه ايه دا برئ

  وكل الاوراق بتقول برئ
• A

  11:48pm

  غتاته
• 

  11:48pm

  Nabila Mohammed

  طب اخلي غيري يدخل يترافع عنه ؟

  لا برده

  هو دا حالي

  ?????????? 

  عارف

  زي ايام الرسول

  الغالبية خايفة تدخل ف الدين

  علشن هايعلمهم الادب

  هايخليهم يتغيرو من جواهم

  يلتزمو

  لكن هما بيحبو الهمجية

  خلينا ساكتين

  مدام بناكل ونشرب

سقاني من ماء زمزم ثم طعنني في ظهري

سقاني من ماء زمزم ثم طعنني في ظهري   وصلت مكتبي في الاسبوع الاول من استلام وظيفتي التي كنت اعتقد انها حقيقة لحلم جميل كنت احلمه  وبمجرد وصولي دق جرس الهاتف : انه هو الصديق الطيب الذي صادفته اول يوم استلام العمل وتعرفنا واتفقنا علي بذل الجهد سويا لعمل افضل شيء ممكن لتطوير هذا المكان والارتقاء به  هو : صباح الخير ياريسة :)  انا: صباح الورد ياجميل ايه الاخبار  هو : والدي عاد من العمرة امس... عايزة مية زمزم ؟؟ انا: يااااااااااه اكيد طبعا ياريت -- عمري ما شربتها قبل - واتمني صحيح اذوقها  هو: عنيا ليكي ياريسة .. هاجيب لك الجركن كله  انا: خلاص يالله تعالي بسرعة علشان عندنا شغل كتير وافكار كتير جدا  هو: مسافة الطريق ان شاء الله  وعدت لاستكمال ترتيباتي في انتظاره   وجاء الصديق العزيز وبالفعل كان معه جركن من الحجم المتوسط من ماء زمزم وقمت وقتها بتوزيع قليل من الماء هذه علي   باقي    الزملاء حتي نتلذذ بشربة ماء زمزم جميعا ونتشارك سويا في كل شي جميل وطيب  الله علي التعاون والعطاء المشترك  كم كانت لحظات من الاحساس الرائع بروح العطاء والتعاون والايمان بان الخير موجود وله الوان واشكال تجعله كالزهور كل زهرة بلون ورائحة  مرت ايام وكنت دائما علي تواصل مع هذا الصديق الذي كنت اعتبره الاقرب لي وكنت اشعر اننا لو استمرينا علي هذا التواصل والاتحاد لاستطعنا بناء ليس فقط هذه المكان الوظيفي فحسب بل ايضا الامة باسرها  حتي جاء يوم وكان بعد مضي حوالي اربع شهور انهيت عملي في المساء وبدات الاحظ حركة غريبة في المبني كله  وحتي صديقي هذا سالته عما يحدث لم يجب باكثر من ( مفيش حاجة ياريسة - كل شي تمام )  عدت الي المنزل وكانت المفاجاة الاولي   اختراق لجهاز الحاسب الشخصي  (اللابتوب ) وسرقة جميع اميلاتي الخاصة بالعمل والشخصية  حاولت التصرف بكل الطرق ولم استطع لاني ببساطة مسالمة جدا وليس لدي خبرة في مجال الاختراقات  استسلمت في النهاية واغلقت الحاسب  الوقت تاخر  اديت صلاتي ودخلت للنوم وانا ارجو الله ان ينجيني من هذا الكرب  فجهازي واميلاتي هذه تحوي كل ملفاتي وصور الذكريات الخاصة بحياة اولاد اخواتي منذ لحظات مولدهم وايضا ابحاث ودراسات  كتب وفيديوهات كنت اعتبرها صدقة جارية للمحتاجين من الباحثين عن العلم تكاد تكون مستحيل الوصول اليها مرة ثانية  راسي يكاد ينفجر من ذهول ما حدث وكيف ساصلح هذا واستعيد اشيائي هذه  في اليوم التالي ذهبت علي الفور الي عملي واول من لجات اليه هو صديقي العزيز ساقيني ماء زمزم  استنجدت به لانه كان اكثر الموجودين قربا مني ولانه ايضا كان اكثرهم دراية بالكمبيوتر والبرامج ولكن لم يخطر ببالي انه اكثرهم دراية بالاختراقات  بسرعة ابلغته ان يساعدني فابتسم وطلب مني ان اتحلي بالهدوء وان كل شي سيكون علي مايرام وكانه لا يعرف شي عما يحدث  جلست احكي واحكي وانا لا ادري ما هو مخبا لي وهو يبتسم ويحاول استخفاف الامر  عدت الي منزلي ولا ادري ما يجري ولكني اتصلت باحد الاصدقاء لاستشيره ف امر  وبدون ان ادري جعلت احكي له ما يحدث ليه ويخنقني فكان هو المساعد  طلب مني بعض البيانات وجلس يسالني عن اشياء لم اكن اتصور انها مهمة علي اميلاتي او عن اصدقائي وزملائي ف العمل  وبدات رحلة استعادة الملفات وكانت عمليات من الشد والجذب كل يوم ولمدة 14 يوما  كل يوم نستعيد الاميلات والملفات في الصباح ويعاود اللص سرقتها ف المساء  حتي كانت اللحظة الفاصلة حين اتصل بي اخي وصديقي الذي تعب معي حقيقي ف استعادة كل شي واتصل بي ليبلغني عن سؤال سري خاص حاولت التذكر حتي وصلنا للاجابة وعادت الاميلات ولكن كانت الصفعة الكبري حين علمت انه صديقي الذي اسقاني ماء زمزم وكنت اعتبره اقرب الاشخاص لي والذي اذا كان طلب مني عيني وليس فقط جهازي وملفاتي لم اكن لابخل عليه ابدا لشدة ثقتي فيه  ولم اكن لاصدق انه ينتحل شخصيتي ليسجل محادثات ويجهز لي خطة لتدمير ليس فقط ملفاتي واميلاتي وجهازي الشخصي  بل ايضا تدميري شخصيات  ولعل السبب كان مقنعا  انه فقط ان ذكر له احد انه احد تلامذتي فكانت الكلمة كبيرة في نظره ان يكون تلميذا لي    اصلح الله حاله وهداه  اشكره جزيلا انه اظهر لي ان الكون مليئ بالشر وليس فقط يعيش به الملائكة   والحمد لله علي ما كان  

نسبة ونص

نسبة ونص  هي طبعا الحكاية مش حقيقة  بس هي حكاية النسبة  المكافاة علي الانتاج  لما الواحد يكون في شركة ويطلع عينه في الشغل ويحقق انتاجية معقولة  بياخد مكافأة  ولما بتيجي نهاية السنة المالية بياخد نسبة ارباح  كأنه مستثمر صغنن قوي  بس لما تكون الشئون الاجتماعية  مخصصة نسبة للمتطوعين  اللي بيعملوا علي تجميع التبرعات  تبقي نسبة ونص  هو انا بعمل علشان النسبة واللا علشان العمل الخيري