انا سعيد الان

السلام عليكم
وحشتوني
بس اقولكم
انا هنا مرتاح قوي
المكان اللي انا فيه مريح
قاعد في مكان مخصوص
وحواليا جيران هاديين
مش فاضيين يبصو علي حد من الجيران ويتكلموا عليه
ولا احقاد ولا حسد
كل واحد قاعد مع نفسه
وفيه شباك في غرفته بيطل علي املاكه هو وبس
تعرفوا
املاك كل واحد هنا مش بيدينا فرصة نشوف املاك غيرنا
بس للاسف مش هاقدر اتكلم معاكم
لان مفيش هنا محمول ولا نت ولا شات ولا حتي جوابات وطوابع بريد
العالم ده مفيش فيه تواصل معاكم
احسن
مش بقولكم مرتاح
بجد والله
بس ايه
شوفتكم امبارح وانا جاي علي هنا
انتو كنتو بتبكوا
ايه ده البكاء ده عليا انا
يا سلااااااااام
دلوقتي بعد ما فارقت الي غير رجعة
دلوقتي بتبكوا
مش عايز من بكائكم حاجة
ايه ده يا امي انت وابي
دموع دي
فاكرين لما كنت بنزل تحت رجلك واقولك بحبك
فاكرة لما قولتلك بحبك يا امي
فاكرة لما جيت من بره البيت وكنت في شغلي اول ماشوفتيني من قبل حتي ما اسلم عملتي ايه
مش حطتيتي ايديك علي راسك كان العار دخل عليكي اهه
مظلوم ياامي
بس خلاص معدش يفيد
فاكر يا ابي لما طلبت منك تساعدني اني الاقي وظيفة بمعارفك وعلاقاتك
فاكر رديت عليا بايه
انت راجل وتقدر تتصرف بنفسك
يا ابويا انا لسه ضعيف وقوتي من قوتك ساعدني
يا ابي الدنيا من غيرك ولا تسوا
بس اقولك ايه خلاص
مفيش وقت للعتاب
انا مبسوط دلوقتي قوي
وانا بعيد عنكم
انا هنا في مكان هادي
ولا دوشة اغاني وتليفزيون
ومسلسلات علي كل شكل ولون
ولا حرب في غزة والعراق
ولا نار في افغانستان
ولا حرايق في الشيشان
انا في مكان هادي وجميل
يارب يكون الجنة
تعرفوا
انا بشوفكم دلوقتي من قلوبكم
زي زمان لما كنت وسطكم
كنت برده بشوفكم من قلوبكم
بس الفرق
اني هنا محدش بيشوف غير بالقلوب
لكن انتو
شايفين ان العواطف ملهاش وجود
شايفين ان اللي بيشوف بقلبه عبيط ومريض
ولازم يتحكم بقبضة من حديد
الله عليكم وانتو بتبكو دلوقتي
بس ياتري بكاكم ده علي فراقي واللا علي انكم مش هاتلاقو حد يتعذب بينكم بعدي
واللا ندم علي انكم كنتو اهم سبب في عذابي واختياري الموت الفجائي
فرحتي دلوقتي احلا
انا سعيد وفرحان قوي هنا
بنام وبصحي علي املاكي وبحريتي
وفرشتي حرير وساتان الله عليها
http://www.youtube.com/watch?v=_m9CC2gsDLg

حاجات كتييييييييير

بالاول كل سنة وانتو طيبين
رمضان كريم
وطبعا الله اكرم
وطبعا لاني مش كاتبه او قاصة انا مبعرفش ابدا منين
لكن
جوايا حاجات كتير قوي
اول حاجة التليفزيون في رمضان
ماشاء الله الدش مليان
هو بقي فيه قنوات غير الدش
عدد المسلسلات لا يوصف
وعدد النجوم لا حصر له
يااااااااه لو كان عندنا فنانين بجد وهمهم علي رسالة الفن بجد
كان بدل ما كل واحد منهم عمل لنفسه مسلسل بطوله خاصة
كانو اجتمعو في مسلسل واحد له قضية واحدة فضلنا نحكي عنها لحد رمضان اللي بعد الجاي
تاني حاجة
النت في رمضان
هو فيه حاجات غريبة بتحصل انه ياعيني الشباب بيهجروا النت في رمضان بحجة انه حرام
طيب حرام في رمضان بس واللا السنه كلها
لا رمضان بس ده من وجهة نظرهم
اه اصل الحقيقة شكلهم بيفكرو كدة
( ان رب رمضان غير ربنا في ايام السنة التانية)
يا سلام علي التفكير
حسبي ربي
تالت حاجة
عوانس
عوانس دي البنات اللي فايتهم قطر الزواج زي ما بيقول التعبير البلدي
تفتكرو امتي نقول علي البنت عانس
فيه بعض الناس كان الزواج عندهم عن سن 14 سنة
لو طالع اكتر من كدة تبقي عانس
وفيه ناس عند العشرين
وفيه وفيه وفيه
الحكاية دلوقتي ازمة كبيرة قوي
ان البنات وصل سنهم للاربعين ولسه ماتجوزوش
بس ايه
فيه اهالي مثقفين بيقدروا الوضع وانها مشكلة في مصر كلها
وفيه ناس تانية بيذل انفاس البنت
وخصوصا بقي لو كانت يعني مش جميلة قوي
واللا مش حركة او شايفة نفسها
ماهي لازم تصطاد مثلا مثلا يعني
المهم
البنت المسكينة وصلت الثلاثين
كل ما يتقدم عريس متحسش انه هو ده الانسان اللي تعيش معاه
ترفضه
اييييييييييييييه
هو انتي ليكي نفس ترفضي
انتي لو رفضتيه هاتعيشي خدامة في البيت هنا
هانذلك
هانقهرك
هانعذبك
ياناس هو ابو الروس ورايا ورايا
طيب بلاش نقول انه فيه عيوب
علي الاقل انا مش متقبلاه
يعني ايه
انتي اكيد فيكي حاجة
( مش بيقولو من كتر خطابها بارت )
لا دول بيقولو اكيد فيه حاجة تانية تمنعك من الزواج
انتي مرتبطة بحد تاني
طيب هو انا لو مرتبطة بحد تاني وانتو مربيني كويس
ايه يمنع انه يدخل البيت وتكون علاقتنا في النور
لا حول ولا قوة الا بالله
يا جماعة المسالة قبول
والدين ميرضاش بالتصرفات دي
ولكن حسبي ربي
رابعا
قصة تانية خالص قصة الدراسة في مصر
يا سلام لو حد فكر يعمل دراسات عليا
وخصوصا لو كان اخد الشهادة واشتغل
او سافر بعقد عمل للخارج
الدكاترة في الجامعة بيقولو
وده جاي ليه هو عايز يكلبش في الدنيا
عايز ياخد الفلوس والعلم كمان
لا لازم يتعب
ومش هانحقق له النجاح كمان
ويذاكر الراجل ياعيني ويجتهد
ويحل كويس ويقدم الابحاث المطلوبة
ويكون له نسبة حضور معقولة يمكن زي الشباب المتفرغ
بس نعمل ايه
سياسة الدكاترة
بيحقد علي اي حد
ومع اعتذاري للشرفاء منهم ولو اني ماشتفش منهم الا قليل
يقسط سنة ورا سنة لحد ما يفقد الامل في النجاح
حسبي ربي
اذكر ان فيه بنت دخل الكلية في دبلوم الدراسات العليا
بتقول للدكتور اني جاية مخصوص علشان احضر دراسات هنا في كليتي اللي وحشتني
بعد فترة طلب منها بحث
قدمته
وياريت ماقدمته
لفت انتباه الجميع
البنت دي يظهر عليها النبوغ والنشاط
الدكتور يروح المكتبه يلاقيها
يروح مقر مجلة البحوث يلاقيها
يروح لمكتب رئيس القسم يلاقيها
حس انها سلطة
معرفش يتعامل معاها
حتي البحث مكتوب باللغة الانجليزية
وللاسف اساتذ الجامعة يكاو يفهمون العربي بالكاد
ايه ده يا استاذة
معلش يا دكتور انا بعرض علي حضرتك مسودة البحث
واسفه اني ملقتش موضوع البحث في المراجع العربية
هاترجمه من اللغة الانجليزية
من مراجع امريكية وانجليزية
لالالالالالا انتي تعليمك عربي ودراستك عربي
يبقي لا يا استاذة
البحث عربي من فضلك
ايوة يا دكتور ماهو عربي انا هاترجم المراجع بس واعمله عربي
اتفضلي لو سمحتي
وعرفت بعد كدة ان المسكينة لما كانت محط انظار الجميع من غير ما تقصد
قرروا انها تموت
اقصد يدوها مقبول بحيث انها ولا تقدر تكمل في الكلية تمهيدي
( كفاية فذلكة بقي )
ولا تقدر تعيد السنة علي مادة مثلا
لا مقبول
سامحوني اصلها رقصت علي السلم
حسبي ربي
وعندي لسه حاجات كتيييييييييييييييييييييييييييير
بس الوقت خلص مني
ومش عايزاكم تملو انتو كمان

ياااااااااااااااه هو ده مصنع سماد طلخا

السلام عليكم ورحمة الله وبركاته
كان لي صديق من محافظة القليوبية
وهو شخصية مميزة جدا في كل شي
الثقافة والفكر والاخلاق والدين
حكي لي عن مصنع سماد طلخا وانه هذا المصنع يتسبب في ازمة صحية كبيرة جدا لاهالي طلخا
وانه يعمل في التفاعل مع الجهات المختصة لازالة هذا المصنع ونقله لمكان بعيد عن المنطقة السكنية
فدار في بالي انه هناك الكثير من المصانع التي تبث سموما من خلال الغازات والابخرة في المناطق السكنية المتعددة في مصر
وان الحال كما يحكيه صديقي هذا اراه في مصنع الاعلاف المقام في منطقة الزراعة ( لكوظ )
المهم اني لم اقدم شيئا في الموضوع فقط استمعت وسكت
وذات مرة كلمني حد المقربين والذي يدرس بالمنصورة وتحدثت معه عن رايه في الاضرار التي يسببها مصنع سماد طلخا هذا
فاجابني انه كان يتلقي تدريبا فيه وهو طالب في كلية العلوم وانه مصنع ممتاز وهو يغطي 75% من انتاج الشرق الاوسط من السماد ( هذا ما قاله هذا الزميل ) ورغم ان زميلي كلامه ممكن يكون صح ولكن ما مدي الضرر الذي يقدمه هذا المصنع مقابل هذا العائد
امراض بالالاف
سرطان
فشل كلوي
التهابات رئوية
امراض متوطنه
ماذا بعد
لا ادري
الحقيقة اني لم اكن قد رايت مصنع سماد طلخا من قبل وكان اول مرة اسمع عنه من خلال صديقي هذ ا
قد يكون الامر جهلا مني ولكن عفوا سامحوني فليس لي نشاط قوي في المنظمات الخاصة بالبيئة وكل ما اعرفه ان احافظ علي نظافة منزلي وشارعي وفقط
منذ عدة ايام كنت في مصيف راس البر
وفي طريق العودة الطويل مررنا بمشهد نراه من بعيد وكانه النجوم تتلالا في السماء
اضواء علي مساحة واسعة في مكان كانه مدينة
انه فعلا صرح
ولكن يشوبه ادخنه تخرج من اعمدة كثيرة
الوقت ليلا في العاشرة مساءا تقريبا
هذا الغبار يبدو كثيفا
ماهذا المكان ؟؟
سالت نفسي ومن حولي
اين نحن ؟؟
اجابتني لافتة علي الطريق طلخا
اننا في طلخا وهذا هو مصنع سماد طلخا
يا الله
فعلا مصنع كبير
صرح حقيقي
ولكن امامه منطقة سكنية ضخمة
والغبار الكثيف هذا والدخان المنبعث من الاعمدة والنوافذ شديدة
وهو مصنع سماد
اي انه ينتج غازات سامة
اوليست صحراء مصر الشرقية والغربية واسعة بكفاية لتسع المصانع الضارة بالصحة والمفيدة مادية
اوليس مصنع السماد ومصنع الاعلاف وغيره مما يطردون الغبار علي الصدور ويقتلو الزروع حتي يخرج المنتج الذي يستخدم بالاساس للتسميد ومعالجة الزروع
هذه المصانع اليست كشاكلة مصانع البترول والتعدين التي مقرها الصحراء
لا اعرف لماذا لا يكون هناك مخطط حقيقي وواضح لتقسيم مناسب للمدن الجديدة حتي لان نقع بنفس الخطا الذي وقع فيه السابقون
مدن صناعية بعيييييدة عن المدن السكنية
تحوي المصانع الضخمة
تقوم بنظام جيد
تراعي كل السبل
الطرق والمواصلات
وسائل الصرف للمخلفات
اعمدة الدخان المفلترة
وغيره وغيره

ليلة الاجازة

لم اكن ادري انها ستكون عصيبة
فقد تعودت ان ليلة الاجازة اقضيها في بيتي او حتي حين اخرج لعمل او ما شابه اكون في بيتي قبل المغرب
ذهبت الي القاهرة
ولن اقول ياليتني ماذهبت
ولكني ذهبت
وجاءت ساعة العودة
الطريق مغلق
السيارات من اول حديقة الفسطاط الي السيدة عائشة متوقفة تماما
اخدناها مشي وما ادراكم ما المشي في الحالة دي
قدماي تورمت فلم اكن علي استعداد لذلك ابدا
الحمد لله
انتظرنا قليلا وجاء الاتوبيس
ركبنا الي رمسيس
الطريق طوييييييييل
وركبت من رمسيس لعبووووووووووووووود
يااااااااااااه
نزلت الموقف
زحمة حتي الموت
السيارات بتدخل الموقف مليانة
يا سلااااااااااام
فضلت اخرج عن الموقف خطوة فخطوة حتي وصلت الي اخر الكوبري من الطريق القادم من الزقازيق
الله
ضمنت اني لن اعود الي بيتي
لا تتشائم
كل ما تنطق بكلمة تسال بيها عن اي مكان تتحرك اليه السيارات الاجرة لا تجد رد
مهما كان السؤال
ليه
لان السيارات خلاص لا يوجد بها مكان لراكب جديد
فضلت امشي امشي امشي حتي وصلت نهاية الكوبري تقريبا
سيارة ناديتها
اشار اليا السائق اني هاتشيلي الكرسي اللي جنبك
يعني هاتدفعي الاجرة ضعف
طيب يا اخي الموقف مزدحم والناس عطشا ان تصل لبيتها بسرعة وستجد الكثير
قال الكرسي المجاور لي سوف يضايقني لو ركب فيه احد
لو مش معاكي يا ابلة انا سداد بس مش هاقدر اخد حد تاني انا لسه مكلم الناس اللي ورا في العربية اهه
ماشي الحال
المضطر يركب الصعب
والحياة كلها تنازلات في تنازلات حتي تصل الي نهاية حياتك وتكتشف انك تنازلت عن جل حياتك
عن اداميتك
عن كونك انسان
وسرنا
اخترقنا الطريق المزدحم
كانت الساعة التاسعة والثلث
خرجنا من عبود ويؤذن لصلاة العشاء
وصلت بيتنا في الحادية عشرة والربع تماما
الحمد لله اني وصلت
ولكن
ياتري
هل حققت شي من هذه الرحلة
هل كانت بالفائدة التي تقابل كل هذا الشقاء والعناء
الله اعلم
سيظهر ذلك فيما بعد
فانا انتظر وارتقب
تحياتي

Free Blog Content

تنازلات

صارت لي فترة طويلة ابحث عن عمل
وطبعا من الصعوبة بما كان اجد عملا مناسبا لمؤهلاتي ولشخصيتي
( ماذا ؟؟ اتريدين ان تعملي مديرة ام رئيسة مجلس ادارة؟؟ هههههههههه)
بالطبع لا
ولكني ابحث فعلا عن عمل كما ينبغي
اشعر فيه بالاستقرار والامان
وهذا ما يسعي اليه كل انسان
الا ان ما يحدث كثير وكثير حتي انني ضقت ذرعا بالبحث وضقت ذرعا بالامل في ان اجد عملا
وهذا من كثر ما طلب مني من تنازلات
سجلت في مواقع خاصة بالتوظيف واضفت بياناتي في العديد من الشركات وجائتني العديد من المكالمات
فوجدت وظيفة مناسبة في مجال التسويق كان بها شرط واحد هو شرط التدريب توقع عليه عند التعاقد وهو مبلغ كبير يصل لخمسين الف جنيه كشرط جزائي نظير ما ستاخذه طوال فترة التعاقد التي هي طويلة المدي
ذهبت والتزمت بتدريب مدة اثنا عشر يوما وفي النهاية اخذت الصدمة
الراتب 350 يضاف اليهم 100 جنيه بدل انتقال
مواعيد العمل من عشرة صباحا حتي عشرة مساءا
طبيعة العمل غير محددة ( مرة مسئول تسويق ومبيعات داخلية ، ومرة محاسب للفرع في البلد التي اسكن فيها ، ومرة مدير الفرع ....) لا ادري
المهم
اثنا عشر ساعة من العمل المتواصل يتخللهم ساعتين من الراحة والعذاء الذين لا يكفيان للذهاب الي البيت والعودة منه لاستكمال العمل
فاثرت ان انتظر وظيفة اخري وواصلت البحث
وجائني الثاني وهو ما يقابلني كثير من امثاله
الاميل وصلني انه شخص ممتاز وخدوم وسوف يساعدك علي الترقي في عملك
واليك رقم جواله اتصلي بيه وهو سوف يقوم باللازم
اتصلت
وكان فعلا سيد كريم الاخلاق قال لي بعد التعرف عليا ان اتواصل معه وقت لاحق وانه سوف يتصل هو
واتصل بالفعل في المعاد المحدد للاتفاق علي معاد المقابلة الشخصية وطبيعة العمل وغيره
واذا به يطلب مني ان نكون اصدقاء
شي غريب انه شخص ليس لديه وقت للعب
عادي كل رجال الاعمال عندهم روح الحياة مفيش مشكلة
اهلا بك
ولكني لم افهم ما يقصده
وكل مرة يحصل لي ذلك اكتشف اني غبيه
نبيلة انتي جميلة قوي وطيبة وبنت محترمة وانا شايف انك حد مميز وان شاء الله هانكون اصحاب
نبيلة ممكن تريحيني واحس اننا واخدين علي بعض
يا حلاوة
كلمة ليها الف معني
ولكنه يقصد المعني القذر
كل وظائف مصر تحتاج لهذا التنازل
حسبي ربي
اما ان اتنازل عن مؤهلاتي التعليمية وطموحي واقبل العمل بالسخرة في شركة تعلو علي مجهود العاملين فيها
او ان اتنازل عن شرفي وكوني بنت محترمة واقبل العمل بالمرتب اللي اقول عليه في شركة كبيرة وضخمة علي اساس اني اريح صاحب الشركة واللا المدير الكبير فيها
يا سلام عليك
والله مابقيت عارفة هو الغلط فيا انا واللا الغلط في الناس
بس اكيد فيا انا لان لو انا انسانة بجد كانو احترمو ادميتي وانسانيتي وكانو اهتمو انهم يتعاملو معي كانسان ولست كحيوان
اتمني من الله ان يهديني ويهدي كل شباب وبنات المسلمين
وان ترتقي الامة باولادها
وان ينتهي حال المهازل في البحث عن الوظايف
ولنا الله

Free Blog Content

المصري

الحكاية تبدا من شهور
لما كنت بحاول اضيف ناس كتير علي الفيس بوك عشان اعمل دعاية لجمعية نهر الحياة
نهر الحياة دي حكايتها حكاية معايا
المهم اني اضفته من بين الناس
شخص تحس انه انسان
لما كلمته حسيت اني بتكلم مع السيد ابو العلا البشري في مثاليته
مع ابله حكمت صاحبة الضمير
مش هاطول عليكم
القصة قصة حب مصر
هو يعني ايه حب مصر
وليه كتير من شبابنا عايزين يخرجو عنها وزهقانين
هي امي لما كانت بتضربني زمان وتعاقبني بالحرمان كانت تقصد تحرمني فعلا
هي كان بيجيلها نوم وهي بتسمع شهقتي من كتر عياطي علي ضرب واللا عقاب منها او من ابويا
هي تقدر تعمل حاجة وحشه كانت او حلوة من غير اذن ابويا
هي دي مصر
بتحبك ومش قادرة تعمل غير اللي مسموح لها انه تعمله
اصل ابويا شوية شديد وساعات طيب قوي بس عنيد
بس ابويا ارزقي يوم معاه وعشرة لا
صعب قوي تقوله كل يوم هات ويديك
ولان امي ست طموحة مخلوقة عشان ترفعك وتخليك عالي وعظيم
يصعب عيلها حالها وقلة حيلتها
متقدرش تقولك معاييش
من كبريائها بتقولك لا مش هاديك
بس انا شايف ابويا ماسك فلوس كتير في ايده ودايما يعد فيها
ماهي فلوسنا اهه كتير ليه يحرمني من النعيم
اصلك مش شايف يا صغير ان ابوك راجل غلبان
دايس عليه الحيتان
شغال عند دول ودول بيشيل امانات ويوصل للناس حاجات
غصب عنه بيكون معاه ومش ليه
يعني فلوس بيعدها من خوفه تنقص عشان ميجيش الكبير يحاسب وياخدها منه
انا رحت بيكم بعيد بس هي دي الحكاية
حب مصر
حب امي اللي مش عارفة اختارها ولا حتي هي اختارتني اني اكون منها
عندنا الخير كتير ومش عارفين نروح فين ونيجي منين
الكل داير يقول الكبار واكلين شاربين
يابني كل واحد علي قده يعيش بس الرضا بالمقسوم مطلوب
المصري قالي بحبها وقولتله وانا كمان
قالي عايش عشان احقق الصح فيها وابني ولادي واعلمهم
حقيقي اتمنيت يكون ابويا هو المصري ده
بس مش بايدي اختار ابويا ولا امي وكل برغوت علي قد دمه
قالي نعمر ونبني قولت فيه كتير وافقين زي الغربان مانعين
قالي لما نكون جماعة مش زي الواحد لوحده
تعالي نبدا ونشوف
قولتله انا ماشية علي قدي
قالي لا فيه نظام وفيه اصول وقواعد عشان محدش يقول اننا غلط ماشيين
قولت يلا وكانت البداية
حب مصر الانتماء والولاء
ده الجروب علي الفيس بوك بيضم كل اللي بيحاول يعمل شي لمصر بحق
مسلم مسيحي مش مهم المهم يكون انسان عارف اننا لينا اصول وقواعد واننا خير اجناد الارض
المهم يكون عارف ان الام ام مهما عملت ولازم نحبها ونفديها ونصبر عليها
يلا بينا نبني ونعمر
بس احنا غلابة ومش معانا فلوس والكنوز كتير بعيد مش طايلين
اه لو سافرنا بره سنتين نرجع ايه دفاينين
لا يا صاحبي فيه في مصر فرص كتير بس تعالي
اللي جاي دلوقتي ايه
انت عملت ايه عشان تقدر تلاقي شغل في مصر
وعملت ايه عشان تقدر تلاقي شغل برة مصر
لما قولت اسافر
جبت التاشيرة بكام الف
طيب يا سيدي
هات نص المبلغ
وخد دورة محترمة بجهد في الانجليزي والكمبيوتر في تخصصك
ودورة محترمة في تنشيط وتقوية شخصيتك ومعرفة قدراتك في تخصصك برده
وروح قدم في شركة كبيرة من شركات مصر
والله ماحد هايقولك لا
ما احنا شباب مصر قيمة وسيمة يعني المظهر موجود فاضل بس نكون قد المظهر
واللا اقولك
هو انت فين علاقتك بربك
فين صلواتك كل يوم وتلاواتك وتسبيحاتك
فين نداك ليه واللا تلبية نداه لما يناديك
يا سلام هي دي مالها بالشغل
ايوة ماهو ربك قال اعقلها وتوكل
انت علي طول مش بتعقلها
هو لما بيحصل مصيبة بنقول ليه يارب ولما بيكون فيه رضا مش بنشكر الرب واللا ايه حكايتك
حوار طويل دار بيني وبين المصري قولتلكم المختصر
بس لما لقيت الحكاية كدة قررت ابدا مع الناس اللي مش عايزين يسكتو
مش هانقوم بثورة يعني مظاهرة
احنا بس هانبدا بنفسنا التغيير
هانقوم صح
نتعلم اللي فاتنا في المدارس عشان ولادنا بعدنا يكونو احسن مننا
هانبدا بعلاقتنا بربنا وبعدها نشوف عيوبنا ونصلحها
هانتعاون علي البر والتقوي
مش هانبقي اعادي في ارض واحدة
ارض معروفة انها في رباط
مش هانفكر نسافر الا اذا انتهت كل الفرص فيها
مش هانقول واكلينها وكسرونا ومش عايزينا نكون لا هانحاول مرة واثنين وتلاته نكون عشان هي تكون
وايدي في ايدك تقوي
شكرا يا مصري
وبتمني الناس كلها تكون معانا يا مصري
وبتمني نلاقي النتيجة الحقيقية واضحة عشان الناس كلها تعرف اننا صح ويمشو معانا
تحياتي

بنات فوق الثلاثين

اشعر دائما وكانني ذنب او ازمة في العائلة
هكذا هو حال بنات فوق الثلاثين
كلما نظرت الي عيني امي وهي تنظر اليا اجد حزنا شديدا وهما وكابة ما بعدها كابة
لسان حالها يقول
مش عارفة اوديكي فين يابنتي
اخبي المصيبة دي فين
بنتي وصلت الثلاثون ولم تتزوج بعد
اقرانها واصغر منها حتي اخواتها تزوجو وهي لازالت عانس
يااااااااااااه
عانس
ما اصعب هذه الكلمة
ما اصعب تاثيرها


Free Blog Content