حكاية ( جاون)

الحكاية ابتدت في الشتا قبل الماضي
العيادات الخارجية الدور الخامس بالمستشفي قسم الانف والاذن
طبعا قطعت التذكرة ام اثنين جنيه وسجلتها في مكتب التسجيل وقعدت انتظر الدور
زحمة وشبابيك مقفلة وناس مريضة وناس مرافقة
وفرصة العدوي ياااااااااه
مطولش عليكم
الدكتور كشف وشاف الاشعة وقالي انتي جاية بورقة من عند الدكتور الكبير يبقي خلاص اخدتي دور في العمليات تيجي من بكرة الصبح الساعة 7 تقفي هنا ومعاكي ورقك عشان تعملي العملية بعد بكرة خلاص اوكي .. اوكي يا دكتور
وتاني يوم من النجمة كنت هناك واخدت الدور وكان فيه غيري كتير من اللي جايين من طرف الدكتور الكبير اه نسيت اقولكم انه بالاساس عشان تاخد الدور بسرعة لازم تروح لدكتور كبير زي الدكتور بتاعي كدة وهو يبعتك بروقة الروشتة بتاعته محدد فيها التشخيص واسم العملية ( واسطة يعني ) المهم كشف تاني وعطاني معاد قالي مش بكرة هاتعملي لان اللسته بكرة مليانة
هاتعملي يوم الخميس الجاي تيجي يوم الاربعاء عشان نعملك التذكرة الخاصة بالعمليات وتدخلي اللستة
حاضر ونفذت وحصل نفس الشي
اللي هو رحت يوم الاربعاء المحدد وعملت الكشف تااااااااني وعملولي تذكرة خاصة بالعمليات وانزلي بقي استني في مكتب التسجيل تحت لحد ما تيجي الممرضة معاكي عشان تدفعي التامين الخاص بالعملية يلا يوم العملية الصبح اللي بدا من الساعة الواحدة صباحا صيام صيام توقف عن الاكل والشرب بناءا علي تعليمات الدكتور وصلت المستشفي الساعة الثامنة صباحا وطلعت الدور السادس قسم الانف والاذن كنت فاكرة اني طالعة العمليات ..... معلش اصلي دي اول مرة ادخل فيها عمليات نادت علينا العاملة يلا بسرعة غيروا كلكم الملابس والبسوا الجاونات الرجال في الغرفة دي والسيدات في الغرفة دي كله بسرعة دخل استلم اثنين جاون
الجاون ده الروب المخصص للعمليات
ولازم لازم تخلع ملابس كلها ماتترك شي
احنا في ديسمبر والبرد قارص في الصباح الباكر ولكنا سمعنا واطعنا نادت علي اول اثنين في اللسته رجل وسيدة ثم بعدها بربع ساعة نادت علي طفلة كل هذا ونحن فقط جميعا بالاثنين جاون
فقط روب من القماش الخفيف المفتوح من الظهر واخر تردتيه بالعكس ليكون مفتوح من الامام نسيت اول ان الجاون المخصص للعمليات المفروض يكون معقم والمفروض يكون مكوي لكن الحقيقة
متسخ باثار الدماء من المريض الذي سبقني في اليوم السابق مثلا ورائحة الجاز تفوح منه لانه كان في برميل النظافة علي يمني طفلة كانت ترتدي جاونات مخصصة للاطفال ولكن بالاضافة الي الوصف السابق كان الجاون ايضا مقطوع او متقطع
الله ...
سامحوني
استسلمت للامر ولم استطع التحدث ولم اجد من اتحدث له البرد شديد هذا حالي فمابال الاطفال الموجودين معي في اللسته وحالهم اسوا من حالي وكل الحكاية عملية استئصال اللوزتين مثلا للطفل يعني الامر لا يستدعي كل هذا التعذيب الوقت يمر
الساعة وصلت الواحدة
وكل ساعة ينادو فقط علي اثنين
حتي تبقي اربعة من اللسته
وتوقفت الساعات وتوقفت النداءات
ماذا حدث
عملية كبيرة استغرقت وقت طويل والدكاترة تعبو .. ( هذا ما قاله فريق التمريض والعمال في العمليات )
الساعة الثانية والنصف نادوني انتي لسه هنا يلا عمليات فورا بسرعة الدكاترة بينادو عليكي ونزلت ...
حافية عارية لا البس الا الجاون اشعر ان دمي متجمد من البرد دخلت قسم العمليات فوجدت قائمة انتظار اخري الاربعة السابقين ليه لايزالو في الانتظار ولكن علي باب غرفتين العمليات
يا الله
لطفا انتظرت حتي قرابة الساعة
من الثامنة صباحا حتي الثالثة وانا بهذه الجاون المتسخ الردئ ولا استطيع ان ارتدي حتي الجاكت فوقه ولا استطيع شرب ماء او شاي ساخن حسبي ربي
وفجاة
يظهر احد الاطباء النواب الطيبين في القسم وينادي: " فين مني ؟؟ تعالي يلا ، نبيلة انتي عمليتك هاتتاجل معلش ، مش انتي لوحدك يعني الباقي كله معاكي "
معلش بقي مكناش عارفين ان العملية دي هاتطول قوي كدة هاتي تليفونك ولو لقينا ليكي مكان الاسبوع الجاي هانتصل بيكي بس عموما تيجي بعد شهر يوم 20 يناير
يا الله
بالله عليكم الحال ده يرضي مين مش عارفة هاقدر اكمل القصة دي واللا ايه استودعكم الله

حالة ملل ... قيد الانتظار

حالة ملل


سنين طويلة وانا قيد الانتظار
ولازلت
كنت اتابع التحركات
احيانا اغض البصر
واحيان اثور من الانفجار
هل ياتري سياتي يوما اراه فيه؟
هل سأجد نوره يشرق في عيني؟

وانتظرت وانتظرت وانتظرت
ولازلت
قيد الانتظار
ذات يوم
دق بابي طيف
فتحت له دون ان ادري كيف
سمعت منه
واحسست اني الي الحياة عدت
ولكنه طيف
سرعان ما اختفي
وتركني
ابكي
وانتظر عودة ولا عودة
حبيبي
هل طال علي الامد؟
ام ان كل شي بقدر ؟
ولما جئت لي طيفا ولما تركتني للملل
ولولا ان حبك جزء من تكويني
لكنت تركت حبك وزهدت فيه
حبيبي
تعبت روحي من الانتظار
وبت اشكي من المرار
حبيبي
هل تسمعني في غربتك ؟
هل وصلك كلام قلبي لقلبك؟
أم انه
مجرد طيف انتظر ومجرد وهم
وهم الانتظار؟؟؟

سامحوني ... كان غصب عني

مش عارفة ابدا منين لكن هابدا
بقالي فترة طويلة في نفس المشكلات
نفس الضغوط
نفس الاعباء
محدش مرتاح في حياته
وكل واحد ادري بهمه
بس غصب عني
لان صوابعك مش زي بعضها
فكل واحد له قدرة تحمل
سامحوني .. غصب عني اني اتعصب عليكم وانتو قريبين مني
انتو ادري الناس بهمي
انتو عارفين الظروف واللي مش عارف حاسسني
الملامة مش في طبعي بس الظروف اقوي مني
مش بلوم غير العزيز القريب مني وقلبي
كل واحد له همومة وكل واحد له طاقته
وانا غصب عني تعبت حمل تعبت شيل هموم
انا غصب عني بقول تعبت غصب عني بقول يا همي
بستني يوم الرحمة ويوم الراحة امتي يجيني
بستني لحظة احس الفرحة
فرحة لقا الجنة نصيبي
سامحوني لو زعلت حد فيكم سامحوني
انا من يوم ما اتولدت وشلت كفني علي يميني
والحزن في الدنيا كان من قسمتي ونصيبي
سامحوني لو كلامي في يوم جرحكم
ده الجراح شي في تكويني
سامحوني لو بكيتكم
ده البكا بختي ونصيبي
لو سامحتوني وفهمتوا قصدي
هاتقدرو وتعذروني
خلاص تعبت من الملامة وتعبت من قلة الحيلة
هاستني منكم كلام يقول انكم سامحتوني
او حتي رد بجواب يقبل مني اعتذاري

عطاااااء واللا كل شي له تمن

في البداية عايزة اقول

يعني ايه عطاء

ويعني ايه تدي من غير ما تنتظر انك تاخد

ويعني ايه انت عندك كل شي له تمن

عطاء يعني فيض زي نهر النيل لمصر

كل يوم بيرمي علي الضفاف زرع وطمي ونخل

كل يوم بيروي اراضي ويشفي عليل بنظرة تطمن ونظرة تبهج

بس عمره ما انتظر منكم كلمة شكر

الغريب ان النيل اهبل وعبيط

عمال يديكم يديكم وانتو علي دماغه تديله

وكل مرة تيديكم تقولو له زيد يا عبيط

يا اهبل ده احنا بنضحك عليك وبناخد منك ولا نديك

مش بس كدة

ده احنا بنرد عليك بالزبالة في وشك نرميك

ونلوث فيك

تفتكروا العطاء ده هايكون دايم

اكيد لا

هايجي يوم وينفجر الاهبل العبيط

هايقولكم انا صابر عليكم بس لاني متعود ادي وبس

بس كل شي وله حدود

حتي الصبر له حدود

صبرت عليكم كتير واتحملت منكم كتير

بس انا تعبت بقي كفاية فاض بي الكيل وخلاص

خدو العطاء الجديد

امراض وقرف جبتوه فيا

يلا العدوي جاية ليكم

نقص مية مانتو اللي ابتديتو

حتي الزرع كمان انعدم عشان تبقو تهملو وتبخلو عليا بالرعاية

عشان تبقو تقسو عليا

هو ده العطاء في نظركم وهي دي العطايا

................

ادي معني العطاء

اعطي ولا اخد ولا انتظر مقابل ولا حتي كلمة شكر واحدة ولا نظرة امتنان

.......

هو صحيح كل شي له تمن

اه

النفس اللي بناخده له تمن

تصور اه

التمن انك بتديه تاني للهوا

يعني بتاخد اكسجين وتديله ثاني اكسيد الكربون

علاقة تبادل منفعه ومصلحة

يا سلام علي الفلسفه

اكسيد الكربون ده اللي بيلوث الهوا

لا يا حبيبي ده الزرع بياخده ويحوله لغذا ويرجع يدينا تاني الغذا والاكسجين

يعني الدايرة بتلف

كلها مصالح

بس تعمل ايه لو كنت انسان زي حال النيل كدة

اكيد هايجي يوم وتنفجر زي حال النيل كدة

طيب وبعدين

هما مش بيقولو اللي يصبر ينول

ما انت لو زي النيل مش منتظر مقابل

اه مش منتظر مقابل

بس اكيد خد من التل يختل

وبعدين حرام قوي تكون انسان حساس وعارف ان الناس حواليك بتستغلك وبرده تقولهم خدو عيني

خدو قلبي

خدو مني كل اللي تحبوه

انا بقول للناس كدة عشان بحبهم وبكون عايزة احس بسعادتهم

بس هما حتي السعادة بيبخلو بيها عليا

ايه الحكاية يا نيل

انت بقيت ليه كدة بخيل

من كتر اللي بشوفه

ارحموا من في الارض يرحمكم من في السماء

من لا يرحم لا يرحم

مش ربنا قال كدة ورسوله

ارحمونااااااااااااااا اغيثونا حسو شوية بينا

مش عايزة اقول تاني

من لا يرحم لا يرحم

كيف تطبخين زوجك

كيف تطبخين زوجك

ايه ده الحكاية غريبة قوي

هاطبخ زوجي

ده ايه ده

اكيد الكلمة غلط اكيد تقصدي هاطبخ له

لا انا بقصد هاتطبخيه

واانا عارفة بقول ايه

هاتي يلا ورقة وقلم وشوفي الكلام اللي هاقوله

الوصفة المميزة دي

لقيتها علي النت

وجبتهالك

شوفي دي من موقع طبخ الازواج

يلا اكتبي وجربي ومش هاتندمي اصلها مجربة

بكرة نشوف ونسمع
إليك هذه الوصفة الغنية التي تجعلك هنية:
1- ضعي زوجك في قدر من الاهتمام والمحبة – ( بس هدئي النار )
2- اسكبي عليه حنانك وعطفك ( انتبهي لا يغرق )
3- ملحيه بقليل من الابتسام ( خليها خفيفة حتى لا يقول هبله )
4- حركي المزيج بملعقة من الأعصاب الهادئة ( الشكوى لله ، لازم تتحملين )
5- أحكميه بغطاء من الثقة المضغوطة ( عشان ينضج صح )
ولا تنسي 5 بهارات :
لا تناقشي - لا تجادلي - لا تناحسي - لا تطالبي - لا تعاتبي


هنيئا لك الجنة في الآخرة ومستشفى المجانين في الدنيا

يا فاطمة

من وصايا الرسول عليه الصلاة والسلام لأبنته السيدة فاطمة الزهراء :

يا 'فاطمة'! ما من إمرأة طحنت بيديها إلا كتب الله لها بكل حبة حسنة ومحا عنها بكل حبة سيئة.
يا 'فاطمة'! ما من إمرأة عرقت عند خبزها، إلا جعل الله بينها وبين جهنم سبعة خنادق من الرحمة.
يا 'فاطمة'! ما من إمرأة غسلت قدرها، إلا وغسلها الله من الذنوب والخطايا.
يا 'فاطمة'! ما من إمرأة نسجت ثوباً، إلا كتب الله لها بكل خيط واحد مائة حسنة، ومحا عنها مائة سيئة.
يا 'فاطمة'! ما من إمرأة غزلت لتشتري لأولادها أو عيالها، إلا كتب الله لها ثواب من أطعم ألف جائع وأكسى ألف عريان.
يا 'فاطمة'! ما من إمرأة دهنت رؤوس أولادها، وسرحت شعورهم، وغسلت ثيابهم وقتلت قملهم إلا كتب الله لها بكل شعرة حسنة، ومحا عنها بكل شعرة سيئة، وزينها في أعين الناس أجمعين.
يا 'فاطمة'! ما من إمرأة منعت حاجة جارتها إلا منعها الله الشرب من حوضي يوم القيامة.
يا 'فاطمة'! خمسة من الماعون لا يحل منعهن: الماء، والنار، والخمير، والإبرة، ولكل واحد منهن آفة، فمن منع الماء بلي بعلة الإستسقاء، ومن منع الخمير بلي بالغاشية، ومن منع الرحى بلي بصدع الرأس، ومن منع الإبرة بلي بالمغص.
يا 'فاطمة'! أفضل من ذلك كله رضا الله ورضا الزوج زوجته.
يا 'فاطمة'! والذي بعثنـي بالحق بشيراً ونذيراً لو متِ، وزوجك غير راضٍ عنكِ ما صليت عليكِ.
يا 'فاطمة'! أما علمت أن رضا الزوج من رضا الله، وسخط الزوج من سخط الله؟
يا 'فاطمة'! طوبى لإمرأة رضي عنها زوجها، ولو ساعة من النهار.
يا 'فاطمة'! ما من إمرأة رضي عنها زوجها يوماً وليلة، إلا كان لها عند الله أفضل من عبادة سنة واحدة صيامها وقيامها.
يا 'فاطمة'! ما من إمرأة رضي عنها زوجها ساعة من النهار، إلا كتب الله لها بكل شعرة في جسمها حسنة، ومحا عنها بكل شعرة سيئة.
يا 'فاطمة'! إن أفضل عبادة المرأة في شدة الظلمة أن تلتزم بيتها.
يا 'فاطمة'! إمرأة بلا زوج كدار بلا باب، إمرأة بلا زوج كشجرة بلا ثمرة.
يا 'فاطمة'! جلسة بين يدي الزوج أفضل من عبادة سنة، وأفضل من طواف.
إذا حملت المرأة تستغفر لها الملائكة في السماء والحيتان في البحر، وكتب الله لها في كل يوم ألف حسنة، ومحا عنه ألف سيئة.
فإذا أخذها الطلق كتب الله لها ثواب المجاهدين وثواب الشهداء والصالحين، وغسلت من ذنوبها كيوم ولدتها أمها، وكتب الله لها ثواب سبعين حجة.
فإن أرضعت ولدها كتب لها بكل قطرة من لبنها حسنة، وكفر عنها سيئة، واستغفرت لها الحور العين في جنات النعيم.
يا 'فاطمة'! ما من إمرأة عبست في وجه زوجها، إلا غضب الله عليها وزبانية العذاب.
يا 'فاطمة'! ما من إمرأة قالت لزوجها أُفاً لك، إلا لعنها الله من فوق العرش والملائكة والناس أجمعين.
يا 'فاطمة'! ما من إمرأة خففت عن زوجها من كآبته درهماً واحداً، إلا كتب الله لها بكل درهم واحد قصر في الجنة.
يا 'فاطمة'! ما من إمرأة صلت فرضها ودعت لنفسها ولم تدع لزوجها، إلا رد الله عليها صلاتها، حتى تدعو لزوجها.
يا 'فاطمة'! ما من إمرأة غضب عليها زوجها ولم تسترض منه حتى يرضى إلا كانت في سخط الله وغضبه حتى يرضى عنها زوجها.
يا 'فاطمة'! ما من إمرأة لبست ثيابها وخرجت من بيتها بغير إذن زوجها إلا لعنها كل رطب ويابس حتى ترجع إلى بيتها.
يا 'فاطمة'! ما من إمرأة نظرت إلى زوجها ولم تضحك له، إلا غضب عليها في كل شيء.
يا 'فاطمة'! ما من إمرأة كشفت وجهها بغير إذن زوجها، إلا أكبها الله على وجهها في النار.
يا 'فاطمة'! ما من إمرأة أدخلت إلى بيتها ما يكره زوجها، إلا أدخل الله في قبرها سبعين حية وسبعين عقربة، يلدغونها إلى يوم القيامة.
يا 'فاطمة'! ما من إمرأة صامت صيام التطوع ولم تستشر زوجها، إلا رد الله صيامها.
يا 'فاطمة'! ما من إمرأة تصدقت من مال زوجها، إلا كتب الله عليها ذنوب سبعين سارقاً.
فقالت له 'فاطمة' الزهراء :
يا أبتاه متى تدرك النساء فضل المجاهدين في سبيل الله تعالى؟

فقال لها: ألا أدلك على شيء تدركين به المجاهدين، وأنت في بيتك؟ فقالت: نعم يا أبتاه.
فقال: تصلين في كل يوم ركعتين تقرئين في كل ركعة فاتحة الكتاب مرة، و'قل هو الله أحد' ثلاث مرات، فمن فعل ذلك كتب الله له ولها ثواب المجاهدين في سبيل الله تعالى....
' اللهم صل على محمد وآل محمد' كما صليت على إبراهيم وآل إبراهيم

لاتنسي أن الدال على الخير كفاعله...

أرسليها لكل المتزوجات والغير متزوجات اللي تعرفيهم...

فسبحان الله قد تكون سبب لدخولك الجنة

للامانة الموضوع جاني في رسالة وانا شغوفة بحب سيرة بنات النبي صلي الله عليه وسلم

وشغوفة اني لما اتزوج تكون علاقتي بزوجي كما اوصاني بها الرسول

وياريت كل البنات يكونو كدة

تنويه هااااااااااااااااااااام

سامحوني حبيت اضيف اني سالت عن مدي صحة الحديث

عشان انتو عارفين ان فيه احاديث كتير مشكوك فيها

بس لقيته انه مش حديث عن الرسول عليه الصلاة والسلام

ولكن الحوار ده لو بين اي اب وابنته اكيد مش هايكون فيه طلاق بالشكل اللي احنا شايفينه

فالام مدرسة اذا اعددتها اعددت شعب طيب الاعراق

مسألة مبدأ

اني اكون محجبة واخلع حجابي عشان العريس واللا الناس تشوفني يوم فرحي ويعرفوا

اني جميلة

ده مش مبدأ

اني اكون ملتزمة واتنازل عن التزامي عشان اقول للناس انا هنا او الفت انتباههم

ده مش مبدأ

اني اكون صاحب رسالة في الدنيا وعشان اوصل لها واديها حقها اخون وابيع واغش

الناس

ده مش مبدأ

اني اكون عارف انا مين وليه وفين وما اتقبل نقد يبقي انا مش عارفة حاجة

ده اكيد مبدا

فين المبدأ ؟!!

لما تكون عايش ومش عارف انت عايش ليه يبقي فين المبدأ

لما تكون صاحي ميت تبقي دي اكيد حياة بلا مبدأ

لما تكون علي حافة الهاوية ومش عارف

تبقي اكيد بلا مبدأ

حرام عليكم

فين المبدأ

انتو ليه مش بتحترمو الناس اللي عندها مبدأ

علي فكرة

مش هاغير مبدائي

مش هاتنازل عن افكاري لانها

بكل صراحة

مسـألة مبدأ

تحياتي