السلام عليكم
مش عارفة ليه الكلمة دي بقت منتشرة قوي اليومين دول
كلمة احبك
كلمة حب
حتي عملو عيد للحب
ربنا يكتر منه
بس مش ده اللي قصدي عليه
الحب الحقيقي مش موجود اصلا ... او بقي شي نادر الوجود
الكلمة بس هي اللي بقت علي كل لسان زي اللبانة اللي ملهاش طعم
بنقولها والسلام
ممكن كمان نستغلها غلط
ونفضل نضحك علي الناس بيها
الحب عندي والمفروض يكون زي ما قال عليه ربنا سبحانه وتعالي المودة والرحمة والسكن
هو ده الحب الحقيقي
بحبك
يعني بخاف عليك ... بقلق عليك وانت بعيد ... بفرح لفرحك ... بحزن لحزنك ... بداوي جرحك ... بتمني لك السعادة حتي لو بعيد عني كانت سعادتك
بحبك
يعني اقبل منك الوحش قبل الحلو
ما انت كلك علي بعضك حلو
بحبك
يعني اتحملك لما تمرض
يعني اسهر علي راحتك
يعني اكفيك الناس
يعني لما تكبر وملامح وجهك تتغير برده تبقي انت عندي اجمل وجه
يعني لما عودك يضعف انا ابقي سندك وعودك
وايدي علي ايدك نبني الدنيا ونعمر
بحبك
يعني احلم وتشاركني الحلم
ولما اصحي الاقيك بتمدلي ايدك نحقق الحلم
يا ناس فكروا
بلاش تبقي مجرد كلمة
وخلو لها معني
يا ناس .. يا ناس .. يا ناس
الحب بتاع زمان والنادر في الزمان ده
هو ده الحب الحقيقي
ياريت تعيشوا فيه
هناك 4 تعليقات:
الحب الحقيقى
هوا فين بس؟؟؟؟
أتخيل لو أن كل شخص قبل أن ينطق بالكلمة فكر فيما كتبته سيدتي وقرر ألا ينطق بها إلا إن كانت صادقة... ترى هل سنسمعها يوما؟!!!!!!!!!!!
بجد كلام جميل وفي محله
بس فين الكلام ده دلوقتي
منظر الكورنيش والجناين والسينمات يكفي
شكرا لموضوعك الجميل
الدنيا لسه بخير وفىبيدى من غير ماياخدبس الصبر ولان الصبر صعب جدا وعشان كده ربنا خله مكافأته الجنه اللهم اجعلنا من الصابرين وعجبتنى اوى وصفه كيف تطبخين لزوجك اللهم يرزقك الزوج الصالح والذريه الصالحه ان شاء الله واللهم فرج كربك ويجعلك من الصابرين
إرسال تعليق