الأربعاء، 26 ديسمبر 2012
علمتني مواقف الحياة
الثلاثاء، 25 ديسمبر 2012
الحب
راعي
الثلاثاء، 6 نوفمبر 2012
صراع داخلي
وبدات معركة الحرب الاهلية
حرب نفسية
لا ادري من اين ابدا
ولا ادري كيف ابدا
افكار كثيرة
التعبير عنها صعب
هل سأنجح ؟
هل سيراني الهدف ويصل الي؟
هل ما اراه هدفا هو حقيقة وليس وهم ؟
هل اخترت فعلا ماهو صحيح
ام اني اساءت الاختيار للمرة المليون
يبدو اني اعتدت اختيار الخطأ
!!!!!!!!!
اعاني من صراع التفكير
اعدائي هم اصدقائي
يبتسمون وهم يضعون لي السم في العسل
يتحدثون عن انهم ينصحون
وان اقوالهم هي لمصلحتي
ولكن مجرد كلامهم اصبح حجارة تبني سور عالي ضخم
يمنعني عن طموحي
ارجوكم يا اعدقائي
يا اهلي وعشيرتي
تخلو عن طموحكم فيا
حتي استطيع ان احقق طموحي في نفسي
فأن كنتم تحبونني
ستجدون السعادة لي في طموحي انا
وليس طموحكم انتم لي
اطمحوا لانفسكم
حققوا احلامكم في انفسكم
عيشوا واتركوني اعيش
الاثنين، 8 أكتوبر 2012
ازمة طاقة
ازمة طاقة
من العنوان تحس انها مقال سياسي
هي فعلا ازمة طاقة بس مش غاز وجاز وبنزين
ازمة طاقة تفاعلية بين الناس
مفيش طاقة الا قليل
لو ناس ماشية ف الشارع وواحد وقع مغم عليه بيمسكه اثنين مثلا والباقي يتفرج وممكن بالكاد يسالو اللي بيسند الماب (تعرفه دا ياكابتن) ولو قال لا يكون الرد الله يعينك ويسيبوك ويمشوا
لما تقول فيه شي في اخلاقنا المنسية وديننا السماوي بيقول تكافل تلاقي الرد (اللي يعوزه البيت - واللا والنبي احنا
الأربعاء، 26 سبتمبر 2012
هدف تنموي
يعني اي هدف تنموي
- يعني بدل مانعمل تبرع بالصفايح
نوفر اجهرة حديثة لفصل مركبات الدم واستخلاص الصفايح والبلازما بشكل افضل
- يعني بدل ما اوزع بطاطين خفيفة علي قري الصعيد اوفر لهم ماكينات غرل واعلمهم يصنعوا افضل اصواف من الخرفان بتاعتهم
- يعني بدل ما اركب سقف خشب ف بيوت من طين اعيد بناء بيت بالطوب كل شهر واللا حتي سنة واعمل سقف خرساني علشان
يقدر صاحبه يحس بالامان فترة اطول وانا مرجعش اعمل السقف
الخشب بعد سنة واللا اثنين
- يعني بدل اوزع شنط شهرية اعمل محل واخفض سعر المنجات للنصف وابقي علمت شخص التجارة وكفيت بيوت كتير عن
السؤال والحاجة لان الفلوس مش مكفية
- يعني بدل ما اصحاب المصانع مخصصين جزء من ارباحهم لصالح الفقراء والغلابة زي اللي بيمن عليهم بالحسنة -- يخفضوا
من اسعار المنتجات بدون التخفيض ف الجودة وبكدة يبقي ساعدو كتير
- يعني بدل ما اروح استورد منتجات صيني وتركي وهندي وغيره اعمل مسابقة بين الصناع ف افضل جودة والشعب كله هو اللي
يقول رايه ف المنتجات من غير ما اصعبها علي المصري واسهلها علي الصيني
- يعني بدل ما ازرع ف الشوارع شجر الجهنمية اللي معرفش ماشي ازاي ازرعها زيتون وليمون وصفصاف واشجار مثمرة علي
الاقل لو مكنتش ثمارها مفيدة يبقي شكلها كويس وعمرها طويل
ياااااااااااااااااه
دا التنمية معناها كبييييييييير
الخميس، 13 سبتمبر 2012
الاثنين، 10 سبتمبر 2012
يومية
النهاردة كان يوم مش طويل بس سخيف قوي
الغرض الاساسي من اليوم اني اروح اقعد مع الدكتورة اماني واستفيد من خبرتها في الاستشارات النفسية والاسرية
والعلاقات بين الافراد في الاسرة الواحدة
واخدت بالمرة شنطة مليانة منتجات تسويقية انا بحب اسوق لها
الشنطة كانت في مقر الجمعية في العاشر
ويااااااااه علي العذاب الحمد لله
المسافة من العاشر من رمضان للقاهرة حوالي اربعين دقيقة
بس علي بختي اللي اتعودت عليه اخدت 3 ساعات
خرجت من العاشر الساعة 12 الا خمسة
وصلت حدائق القبة مع اذان العصر يعني الساعة 3و28 دقيقة تقريبا
المواقف اللي حصلت في الطريق كانت غريبة وفي نفس الوقت انا تعودت علي انها تبقي غريبة
ماهي حياتي كدة ماشية بالعكس
الطريق كان واقف جدا من اول مدينة العبور
حتي سيارات الاسعاف اللي ظهرت بكثرة ملاحظة
مكنتش قادرة توصل او تخرج من الزحمة
والغريب اننا لما وصلنا الموقف لم نلاحظ اي ملامح لوجود حادث او دماء علي الطريق او اي شي يعطل الطريق
فقط سيارة من شدة الزحام حاولت الافلات امامنا فاصطدمت بجانب الطريق
وهذا بعد ماوصلنا فعلا لمدخل الموقف
لكن لما وصلت الجمعية سالت الدكتور هناء عن الحادث
ذكرت انه حادث كبير علي الطريق الدائري
(طب ايه الي يجيب بقي الطريق الدائري يعطل السير بالقوة دي في موقف السلام )
حاجة تجنن
الاهم بقي اني اول مرة متكسفش اني اشتري من الباعة الجائلين في المترو
اشتريت لعبة صغننة قد عقلة الصباع علشان العب بيها مع يوسف ورفيف ولاد اختي
واخيرا رجعت بيتنا
بس الغرض الاساسي من اليوم متمش
لان الدكتورة جالها تليفون مفاجئ وقالت هاترجع تاني بس اتاخرت عليا
وكان لازم ارجع البيت
يللا بقي كل شي باوانه
:)
تصبحو علي خير
الأحد، 12 أغسطس 2012
لفت نظر
بسم الله الرحمن الرحيم
مش عارفة ابدا منين كالعادة
اول ما افكر افتح المدونة واكتب يروح مني الكلام وحتي المواضيع
بس جوايا كلام كتييييييييير ف مواضيع كتير عايزة اقولها واعملها
منتظرة بكرة بفارغ الصبر
بكرة الامل الكبير اللي نخرج بيه من حلق الضيق
بكرة الجنة الموعودة للصابرين
يااااااااااااااااااارب
-----------------
عاجبني قوي قرارات رئيس الجمهورية الحالي
بس مش عاجبني الطبلة والطار اللي وراه من الموالين له
زي مايكون مفيش حاجة اتغيرت
شباب نازلين تريقة وانتقاد وشباب تاني نازل برافو حبيبي ياريس
وانت قدوتي ياريس
وانت وانت
وصورته علي كل الحيطان
هو يعني يااما يكون الرئيس النبي المرسل والرب المعبود
ياما يبقي العدو اللدود
مفيش امور وسط ؟
مفيش احترام وتحيات وتقبل او رفض وخلاص من غير شدة او تشدد لاي طرف
ربنا يهدي الجميع للخير وينور البصيرة
-------------------
رمضان قرب يخلص
ماشاء الله بجد مفيش مشروع ناجح ف رمضان قد الانتاج الدرامي والاعلانات وبرامج التوك شو اللي بيقدمها فنانين ونجوم كبار
والمشروع التاني مشاريع الاكل والمطاعم اللي علي كل شكل ولون
طب فين المصاحف وبرامج الدعوة والنهضة بالقيم والاخلاق
العيب مش التليفزيون او اهل الفن والميديا
العيب فينا لانهم بيعملوا اللي يرضينا ويجذبنا
بدليل اننا مش بنعلق علي برنامج زي اسالوا - او فاتبعوني او حتي سحر الدنيا
زي مابنعلق ونتفرج وتابع ونعمل كومنتات وشير وتاج لمسلسلات وبرامج وافلام وغيرها
-------------------------
حملة النظافة اللي بدأها حزب الحرية والعدالة بمشاركة شباب مصر
) هي كانت يوم الجمعة الاولي من رمضان بس وخلصت بعد كدة واللا ايه (
--------------------------
السبت، 14 يوليو 2012
شريط الحياة
شريط الحياة باكمله يمر عليك
انها هي
هي من اخدت من عمرك سنوات
هي من شغلت بالك وانفاسك واعماقك
هي من عاشت بداخلك
روح الروح - توأم الفؤاد
حبيبتي
لا تكفي كل ايام العمر القادمة ان اقول لكي وحشتيني
كنتي دائما في روحي وعقلي
ولم انم الا وانتي في منامي
اشتقت ومن شدة اشتياقي لم يستطع لساني النطق باي كلام
لحظة التقينا بعد كل هذا العمر
تضحك علي دا وتكدب علي دي
مش فاهمة ازاي بتفصل بين علاقتك بربنا وتعاملاتك مع الناس
مخصص بس لرب العالمين لحظات الصلوات الخمسة
وباقي اليوم عايش حياتك كدة
تصاحب بنات
تشرب محرمات
تضحك علي دا وتكدب علي دي
مش واخد بالك انك هاتتحاسب علي النفس اللي بتتنفسه ؟
مش حاسس انك هاتيجي عليك لحظة تتسال فيها عن كل همسة همستها
هاتتحاسب علي كل نظرة نظرتها
علي كل لمسة لمستها
ياااااااااااااااااااه لو فكرت كويس وعشت حياتك لله
اكيد اكيد هاتقدر توصل لرضا ربنا ف الدنيا الصغيرة دي
والجنة ف الاخرة
يااااااااااااااااااااااااااااا
وادخلني في زمرة عبادك المتقين الصالحين
وارزقني الزوج الصالح والذرية الصالحة
اللهم ثبتني علي دينك واكفني شر عبيدك
الثلاثاء، 3 أبريل 2012
حالك يامصر
كل يوم اسال نفسي نفس السؤال
هو انتي يا مصر عانس واللا ايه بس الحال
شايفة اهلك بهدلوكي
وشايفة شبابك محتارين
وشايفة هلهلة ثيابك
والعرسان اللي واقفين
بس يا خسارة والف خسارة
من بهدلة اهلك فيكي وانهم جايين عليكي
عرسانك كلهم عواجيز
كلهم عايزينك عانس ويقولو نضفناها
والله مابقيت عارفة بس دي صورتك ف عيني
يمكن علشان انا كدة
شايفاكي يا مصر كدة
اهلك مش مؤمنين بيكي
والجيران بيتفرجو عليكي
واللي بيتقدملك بس
المطلق والارمل واللي عايز زوجة تانية
اصله غاوي ينقذ العوانس
انا ببكي علي حالك وحالي
بس مكتوفة ايديا
نفسي اصرخ في اللي جاي
يقول عايز عروسة ليا
مصر دي ام الدنيا
سلطانة وطول عمرها بهية
اللي يتقدم لها لازم يكون ملك واللا امير
شاب صغير السن وجميل
اخلاق وروح طيبة ودين
واللا يعني علشان ماهي سندريلا
يبقي مش هانقول جميلة
واللا تراب فستانها مداريها
الاثنين، 12 مارس 2012
في يوم من الايام
في يوم من الايام كنت قاعدة افكر ف حالي واحوال الناس حواليا
ونمت ولا اذكر كان الوقت ليل او نهار
شفت المنام شي غريب
شفت القمر نازل يقعد علي رجلي ويطوف حواليا اقمار صغار
كان حلم غريب قولت ساعتها انه يمكن من حبي وتاملي للهلال ف بداية الشهر واني كمان بحب اشوف القمر بدر واللا حاجة
ولما لقيت تفسير الحلم ف كتب التفسير استغربت وضحكت انه دا شي مش هايحصل الا اذا كانت معجزة من رب العالمين
لا انا بنت وزير ولا امير
ولا حتي بيعدي علي طريقي شخصية عامة
المهم انه بعد ايام طويلة لقيت صديق لي علي الانترنت مقيم بالارجنتين بيقولي انه شاف لي منام جميل
وانه كل اللي طالبه مني اقرا سورة النصر كتير
سالته ايه المنام
قالي انه شافني كنت ف حديقة كبيرة جميلة وكان معي اطفال صغار وكنت انا اراعيهم واحمل مصحف بيدي
وانه ماكان عارفني ( لانه اصلا ماكان شافني قبل سابق) وانه هو كان يمشي بالحديقة واشار له صديقه اللي كان معه ( ودا شخص انا معرفوش) اشار اليا وقاله انت تعرف من هذه؟
قاله لا
قاله هذه نبيلة
قاله تعالي نسلم عليها
وذهبا اليا للسلام فادرت وجهي اليهم وطلب مني ان يتكلم معي فرفضت واجبت انه لما يجي زوجي
فانسحب بهدوء وجاء لي ف اليوم التالي وحكي لي ما راه ف المنام
مش عارفة ليه حاسة اني عايزة اكتب الكلام دا دلوقتي واني افكر فيه بصوت عالي
يمكن علشان الاخفاقات اللي انا بمر بيها
يمكن علشان لحد دلوقتي لسه مجاش زوجي
يمكن علشان انا حاسة اني ف كابوس كبير
الله اعلم
الأحد، 11 مارس 2012
نعمة (قصة من اجزاء)
القصة دي كتبتها من فترة طويلة قوي بس مكملتهاش
يمكن اقدر اكملها بقي لما اسمع رايكم ف الجزء الاول منها
نعمة
كانت انسانة طموحة رغم كل الظروف
قد تكون تلك الظروف هي التي صنعت هذه الملامح الطموحة
شاهدت فيلم افواه وارانب وكانت تري ان شخصية نعمة تشبهها كثيرا في انها ترفض الاستسلام للحياة العادية والزواج لمجرد الزواج وترفض ان ترتقي باموال من الحرام او حتي عيشة مختلفة مع احد اللصوص وبعد صبر طويل جاءتها جائزة الحياة ومنحتها زوجا صالحا ومتميزا في كل شي
تلك هي نعمة بطلة افواه وارانب
ولكن نعمة التي نحكي عنها كان معها الحال مختلف فهي البنت الكبري لام ريفية واب ريفي ترك الحياة بعد ولادة الابنة الثالثة ولم يكن مقيم معهم بالاساس، فكحال الكثير من شباب الريف الطالبين لتحسين الاحوال او الطامعين في امتلاك ارض بدل الاستئجار الذي يمارسه الاهل يسافر منهم من يسافر الي السعودية ودول الخليج للعمل هناك ويعود بعد فترة ومعه المال الذي يبدل حاله ويميزه عنمن حوله
اما ابو نعمة فلم يعد في اخر زيارة بل دفن في الاراضي الحجازية وترك نعمه واخوها واختها وامها وكعادة اهل الريف زوجة الراحل اما ان تتزوج اخيه او اقرب الناس اليه او لا تتزوج اطلاقا وان تمردت تفقد كل شي " اقصد ابنائها وميراثهم"
الزوجة كانت من الذكاء لان ترفض الارتباط بغير الراحل ابو نعمة او تظل علي حالها فقد سعت الي العمل وهي لا تجيد القراءة ولا الكتابة ولم تكن لتخرج عن العالم المحيط بها عالم الريف والغيط والمواشي وخلافه مما يحيط بالمرأة الريفية
تقدمت للعمل في احدي المستشفيات العامة وساعدها علي نيل هذه الوظيفة كتمرجي في المستشفي العام احد رجال القرية الكبار واستمرت حياتها علي هذه الحال ابنائها نعمة ونجلا وكامل ادخلتهم المدارس الحكومية وظهر في القرية ايضا مركز شباب يجذب الاطفال للعب من خلاله وهناك تكون نعمة في عالم قد تغير عن عالمها السابق وتتدرب علي رياضة الجودو وتظهر براعة فيختارها الكابتن للبطولة وتتطور الاحوال لتصل الي البطولة الدولية وتخرج نعمة من بيئة القرية الي بيئة مختلفة قليلا ولكن صرامة الام وحسمها في مراقبة ابنائها كانت تحول دون انحراف نعمة الي الشيئ الخاطئ في هذه النقلة، تخرجت الدبلوم فالطابع الريفي يغلب لا تعليم للفتيات اكثر من الدبلوم في حالة ان تتعلم البنت اصلا، وكذلك الحال مع نجلا اما الولد فلم يكن له ميل للتعليم من البداية اكتفي بشهادة الابتدائية التي نالها بالكاد
في هذه الفترة تكون الام تعاملت مع شخصيات واراء وافكار مختلفة من خلال عملها الذي اتاح لها تلك الفرص من الاحتكاك بعوالم من الريف والحضر والاحياء المختلفة اشارت عليها احدي الصديقات ان هناك اراضي صالحة للمباني في منطقة قريبة من المدينة وهي فرصة لتحسين حياتها من الريف وتوفيرا لمصاريف الانتقال وبعدا عن مشاكل الاحتكاك برجال العائلة الضاغطين عليها حتي توافق علي الزواج من احدهم وايضا فرصة للبنات ان يجدن ازواجا مختلفين عن رجال وشباب القرية الذي اختلف الحال عنهم وصاروا ارقي بخروج الام الي العمل وخروج نعمة للبطولات، بالتالي في راي الام لا يليق بهم اي من رجال القرية
هناك شي اخر ان البنات يتمتعن بالجمال الواضح والام التي تلد بنت جميلة تبحث لها عن عريس ثري ومميز
هذه هي الغالبية
اذن تخرج نعمة واهلها من هذه الحياة بكل طموح تجد الجيران الجدد بنات يدرسون بالجامعة، فلماذا لا ادرس انا الاخري بالجامعة
تجدهم يتحدثون عن اشياء كانت تراها في البنات التي صاحبتهم في البطولات خارج الدولة وهم من ابناء نفس البلد فلماذا لا اكون مثلهم
تقدمت للدراسة بالجامعة المفتوحة
ولان حياة المدنية في نظرها مليئة بالاحتكاك فكان لابد لها وانت تعمل بشئ مميز يعطيها هذه الفرصة وايضا يساعدها علي دراستها
احد اعمام نعمة يعمل تاجر خضروات
بالطبع لن تذهب للعمل معه في بيع الخضروات
ولكنها سوف تعمل بالتجارة
اي تجارة ؟؟
هناك الكثيرة من الاشياء
انظر الي الشباب والبنات علي اسوار الاماكن العامة يبيعون سلع منزلية مما يسمي باسواق 2,5
هي ستقوم بهذا العمل؟
نعم.. ولكن ليس في مدينتها
كعادة المصريين يغسلون الصحون في اوروبا حتي لا يراهم اهل بلدهم في مصر فيعايروهم يا سلام
معني ذلك انها ستذهب الي خارج مصر؟
اكيد لا، ولكن فقط ستجول في مكان بعيد عن المدينة والقرية التي يسكنها الاهل والاقارب تسافر الي مدينة اخري بها مصالح حكومية واماكن عامة مكتظة بالناس
ايهّ!!! ستذهب الي القاهرة مثلا
ليس تماما
هي وصلت الي اطراف القاهرة – مدينة من مدن محافظة القليوبية ولكنها قريبة من القاهرة وبها نفس الطابع تقريبا من الزحام
علي اي حال مصر كلها بكل محافظاتها صارت زحام بزحام
هل نجحت في هذا العمل الذي اعتقد انها انسب للشباب عن البنات
هي بالفعل نجحت جدا وصار لها جمهور او زبائن وعملاء دائمين
اشترت ( الهاتف النقال) الموبايل
ماذا عن البطولات الدولية؟
اصيبت في احدي البطولات وقررت الاعتزال
يا خسارة
كل شي قدر ومكتوب
اكيد
الاخت الصغري يتقدم لها عريس
يوافق عليه الجميع، عامل في احدي الشركات، من سكان المدينة، جاهز من كله، لا نطلب اكثر من ذلك
رجعت للصفر
رجعت للصفر والفضل كله ليك
بسذاجة صدقتك وكمان امنت بيك
وقولت انك اماني وعوض زماني
فكرتك خير بعد طول انتظار جاني
ياااااااااه
قد ايه كنت مخدوعة
لا انا ساذجة بجد
هو لسه فيه امان
هو لسه فيه سلام
هو لسه فيه احساس بالناس وقلوبهم
مفتكرش
الشر مالي الوشوش والقلوب
الشر بقي شريان ووريد
الشر بقي علي الجبين مفضوح
وانا بس كنت شايفة ان الناس طيبة
يمكن علشان سذاجتي
مبقتش حتي قادرة اجمع اوراقي وافكاري
مبقتش حتي قادرة اقول انا ايه واللا مين
انا حتي مش بس رجعت للصفر
انا بقيت تحت الصفر
والله الموت بقي عليا اهون من الحياة اللي مليانة خيانة
الموت بقي اهون من الحياة اللي كلها غدر وطعن
بقي اهون من حياة مفيهاش حد ضميره صاحي
انا لله وانا اليه راجعون
دهب قشرة
كنت في حالي ولا علي بالي لقيت نفسي علي باب حياة
دقيت الباب ويمكن مطولتش في الدق
فتح لي شخص مظهره بيقول انه طيب واخلاقه عالية
ابتسامة ولمسة وقار
سالت ايه المطلوب للدخول
رد بس النية الخالصة لله
قولت نويت لله الخير ودقيت باب الحياة للخير
قال توكلي علي الله واحنا معاكي دعم ومساندة
قولت علي بركة الله نبدا
يلا الهمة يلا شباب يلا عزيمة وقوة وخير
نفتح كل قلوبنا ونعزم النية علي الخير
اتحادنا قوة وحقوق الناس امانة
وكانت مفاجات
حروب وصولات وجولات
كنت اول مرة اشوف الشر في صورة خير
كنت اول مرة اشوف الحقد متلون بمليون لون
اول مرة اشوف الغيرة اللي توصل للغل والحقد
يبتسم في وشك وهو مداري الف خنجر يطعنك بيه
ياكل عيشك وملحك وهو شايلك سم يسقيك فيه
ياااااااااااه علي الطيبة اللي مخبية الشر
ياااااااه علي الدهب اللي طلع قشرة
يااااااااه علي الناس لما تكون معندهاش احساس ويدوسو عليك علشان
؟؟؟؟؟
ياريت علشان شي
ياريت فيه سبب
ياريت فيه سبب
ياريت فيه سبب
الخميس، 19 يناير 2012
كنت اتمني
كنت اتمني ان اصل الي الجنة في الاخرة
ويكون سبيلي طريق علم في الدنيا
وزوج صالح يعينني ويشفع لي
وذرية صالحة نتشارك مناهج العلم والحياة
نحفظ اية من ايات القران ونتدبرها وندرسها ونعمل بها
نسعي في الارض نبتغي وجه الله الخالق العظيم
نغرس الزيتون والنخيل
نوزع الابتسامات صدقات
نعفو باذن ربنا ونصفح ولان نبالي بقول من قال
رحماء بين الناس مسالمين
نتدبر الامر ونتعبد لله في كل قول وعمل بان نجعله خالصا لوجه الله
نتعلم من اخطائنا واخطاء الاخرين
نساعد الناس علي الحياة سعيا وابتغاءا لمرضاة الله
حتي ان متنا شفعت لنا اعمالنا وطلب رضا ربنا الذي سعينا له
فكنا من اهل الفردوس
لكن
هي الحياة
لاتعطي دائما ماتتمناه
ورب العالمين القادر العظيم علي كل شئ
يفعل مايشاء
انا لله وانا اليه راجعون
قل لن يصيبنا الا ماكتب الله لنا هو مولانا وعلي الله فاليتوكل المتوكلون
الثلاثاء، 17 يناير 2012
لا الشمس ينبغي لها ان تدرك القمر
ولا الليل سابق النهار
وكل في فلك يسبحون
مااعظمها اية
جميلة قوي
تخليني محسش بالخوف ابدا من اللي بيحصل
مش هاموت ناقصة عمر
ولا هاخد غير المكتوب
بس اهه
بنتمني
هو التمني حرام؟
هو بس فيه ناس مش من حقها حتي تتمني
لان ربنا مسخر ناس علي ناس
او زي مابيقولو ف المثل مسلط ابدان علي ابدان
عادي يعني
ف الاخر
ماتركزش علشان ماتهيسش
صاحبة البوست مش عارفة هي عايزة ايه اصلا
علي راس السنة
علي رأس كل عام يحدث شئ جديد
اقصد علي الصعيد الشخصي
فأنا يحدث لي حدث جلل
حدث عظيم كل عام تقريبا
يكسرني
ويوقع بي في غيابات الجب
جب الظلام الدامس
قد تطول مدة المكوث في الجب او تقصر
الغريب ان السيناريو واحد
ولا الحدث يمل من التكرار
ولا انا املل من الرد
سواء الصمت او الجدال
فقد اعتدت ان اجادل بعض الوقت واصمت بعضه
فصمتي ليس دليل علي شئ الا انني افقد الامل في الاقناع
او الوصول لحل حقيقي
لا ادري ان كان مابي يأس او قنوط
ام هو صبر ورضي بقضاء الله
المكتوب مكتوب
انا لله وانا اليه راجعون
الاشتراك في:
الرسائل (Atom)