كل واحد مننا له احلامه وطموحاته واماله
كمان كل واحد مننا له تفكيره المختلف عن الباقين
ده حتي بيقولو في الحكم القديمة ان وقت توزيع العقول كل واحد فرح بعقله
ووقت توزيع الرزق كل واحد طمع في رزق جاره
يا سلام علي الكلام
ويا سلام علي الاحلام
من اللي عرفته من برامج التنمية البشرية البسيطة اللي عرفتها
وكان شي مهم في حياتي فسر لي حاجات كتير بتحصلي الطاقة
عرفت ان الانسان له نوعين من الطاقة
طاقة داخلية وطاقة خارجية
طاقة الداخلية من جواه هو وبس بيقدر يسيطر ويتحكم فيها بالعواطف الخاصه بيه
بيقدر يتحكم في قدراته ورغباته وميوله
اما الطاقة الخارجية فده بقي الطاقة اللي بتاثر عليه من الخارج
اهله والناس المحيطين بيه والاشياء الكتير اللي حواليه
اي شي حواليه بيتاثر بيه
شاف شخص حزين يحزن لحزنه
شاف شخص سعيد يفرح لفرحه
شاف مشهد مؤثر
او حتي سمع كلام مؤثر
والطاقات دي كمان سواء كانت داخلية او خارجية بتكون نوعين
سلبي وايجابي
ايه ده هو فيه طاقات سلبية
اه لما يسمع طول الوقت نقد فيه ويشوف طول الوقت مواقف حزينة اكيد هايكون انسان سلبي مدفوع للاستسلام للعقبات اللي بتقابله في حياته
فيه حاجة كمان
كل انسان مننا عنده النوعين دول من الطاقة الداخلي والخارجي
وعنده التقسيمين دول من الطاقة السلبي والايجابي
ولكن بنسب معينة
فيه ناس بتكون طاقتهم الداخلية اكتر وبالتالي بيكون صوتهم من جواهم ولما بياخدو قرار بيكونو فكروا فيه كويس وبعدين اخدوه ممكن حتي ما يتاثروش بكلام الناس حواليهم
وفيه ناس تانية وانا منهم – طاقاتهم خارجية ، عايشين بالناس ، بيتاثروا بالناس وكلام الناس
ده مش معناه ان كلمة توديهم وكلمة تجيبهم لا
معناه انهم بيحبو يعيشوا بالمشاركة مع الناس
بيفرحو لفرحهم ويحزنوا لحزنهم زي ما قولت ولو شخص قال كلمة في موضوع وكان الموضوع ده محل تاثير ممكن نفكر ونعيد تفكير في الموضوع وناخد في اعتبارنا المصدر او الكلام اللي قاله حبيبنا ده وخصوصا لو كان الشخص اللي قال كلمة في الموضوع ده حبيب او صديق او مقرب
ليست هناك تعليقات:
إرسال تعليق